網誌分類：未分類 |
哎呀!搞一個婚禮真係極度煩,又要驚唔夠錢,又要顧自己的意見,又要聽人意見,最煩都係四老囉(自己父母和男方父母).
昨晚家姐和媽子又因為結婚的事唔開心,家姐仲發脾四兼流淚添.哎,最衰妹妹,阿媽講乜她又照同番家姐講,咁大個女都唔識咩叫好女兩頭瞞.正式來說唔係媽子同家姐開戰,而係細妹仔將阿媽講的講番俾家姐聽,她聽到咪又唔高興囉
其實,她們兩個都唔抵幫,一個有意見又唔同個女講,只係放係心上.一個又搞野搞到半天吊,明年結婚連邊日都未揀定,酒席又唔訂,乜鬼都唔理,都唔明她點解咁大安旨意,雖刖話多半都是揀一至四結婚,酒席未必會滿,只是連註冊和請食飯分開搞,還是同一天,擺酒還是只請親友請飯都未諗好.真係唔知她想點呀
現在經我地迫下她都大概搵到邊幾間的,我自己就喜歡美心集團多,最少價錢服務同埋大集團質數都有點保證嘛!希望我地再迫多她幾迫好快趣搞晒結婚的野,
哈哈,我覺得搞結婚果個似係我,又要搵酒樓又要搵邊度租衫平靚正.化粧攝影等等>>>相信都會學到好多野啊
希望爭執只是一次便好,唔好再發生其它不開心的事便好了
littlesnow 2009-10-10 08:43
小可愛是劉家小辣椒仔2009-10-10 08:59
哎,就因為先頭諗住只係同雙方姨媽姑姐食飯,唔諗住請朋友同事,8圍左右又多數閒一至四,咪唔搵酒樓住,現在好多人叫她諗清楚,結婚人生一次,她又拍了十五年拖,好多朋友都等左咁耐,咪叫她考慮下會唔會索性擺酒
她6月婚展己訂了婚去台灣影婚紗相,買晒餅咭,戒指買晒,只是酒席化粧,攝影未搵,只是呢幾樣都得黎有排煩啊