狗醫生嘉許

係度賣下廣告先~~大家知唔知荃灣區有個又新又靚嘅商場叫Citywalk荃新天地呀??

呢..年三十晚有古巨基阿姐佢地一齊倒數架!!(年三十晚都要倒 >"<)

少少印象都應該有掛..都係我做緊個條team同事負責..其實個mall的確設計得幾靚幾日本六本木feel架(剩係講個室外花園)又多日式食肆..Mos Burger大阪王將北海道活壽司日式意粉屋..嘩嘩嘩..數之不盡..哈哈哈

荃灣區嘅同伴大家記得去多啲啦~~~唔係荃灣區嘅都搵日去下啦..我住咁遠都成日去囉

言歸正傳..上星期搞咗個狗醫生嘉許典禮

HOHOHO..從未同一時間穿插係如此多可愛大狗+狗仔之間架!!

圖左：紮了小辮子的魔天使?!                         圖右：等待上台領獎的狗醫生們..乖到傻呀

(其實佢係張椅度震過貓王架..因為主人行開咗)

圖左：珊珊來遲的朱茵帶埋「提子」出席   圖右：呢隻係消防狗..著鞋架佢!! 因為要出入火場..好英呀!!

呢個活動後發現香港越嚟越多人好愛錫啲狗狗~希望大家對身邊的人亦是如此。