滿足之旅

原來返咗嚟只係一個星期左右
但感覺又經已好似回歸咗差不多一個月! (無誇大成份)
樂而忘返的八日Tour記憶好似好遠咁
可能因為一返嚟就忙住屋企小裝修...仲流落埋去舅母屋企借宿三日兩夜嘅關係
我就靠呢幾張電話影嘅相....寫番個小感想先!

今次呢個Blink Blink Tour...遊走左東京大阪兩個地方
首先係同噚日飛左去英國讀書嘅細表妹一嘗睇佢鍾意嘅Yuto..所屬團嘅CON
My Frd...原來我地係有影低呢個靚位架!!



回到東京...一嚟就因為呢個咁藍天白雲=曝曬嘅天氣將我燒燶了



上一次...亦都係第一次睇國立場..係05年天團的SAMPLE TOUR!!
坐尾三行的我, 好記得舉起一隻手指公已經可以將木村一整個人遮住
大家睇到佢地條T字花道係有幾「長」啦~~~~
無移動舞台....無咩車仔位...
無可能近近地見到佢地真身一眼 (連望清個電視都有少少難度@@)


事隔4年再踏足國立...同樣高高的尾幾行...感覺係截然不同!!!



體貼的舞台設計完全地拉近咗大家嘅距離!!!
起碼我唔洗用望遠鏡都睇得清移動中嘅五子呀(感恩)
美中不足係音響方面....喇叭聲時大時細..
但其餘的都太美好了

加上闊別一年的橙兒con..可以再次同Hiroki一齊雙腳離地彈住唱kirikirimai
聽番佢把天籟聲唱LOVE PARADE...的確大滿足了!!!

儘管旅程中得知日文考試「不合格」...
除左個一刻小頹之外(因為意料之內)...都再無失落感啦!!
唯有來年認真地溫左書先去考試囉(握拳)