一哥大晒啦~

星期五又去探阿一, 衰仔變o左大佬, 係咁恰姐姐o的狗狗, 如果我o地淨係理狗狗, 唔理佢, 佢會喵喵叫, 又走去打狗狗, 正一係欺善怕惡!

阿一便便已經無痾血喇! 而家維持都係隔日一次便便, 因為阿一唔係食太多o野, 所以姑娘話隔日一次都OK, 但如果佢食好多o野, 都係隔日一次就唔OK, 到時就可能又要再番去! 所以一豬, 你要加油呀! 快o的痾晒肚入面o的o野出o黎啊~

今日帶o左隻黃貓B 去SAA, 姑娘都有問阿一情況, 一豬, 你睇下幾多人關心你, 你要加油呀!

出門口, 等姐姐番屋企

等等下, 恰眼訓, 哈哈~

呢張紙皮放o係門口, 初初以為係阿一o既禮物, 點知原來係因為落雨, 姐姐擺張紙皮係用黎印鞋印, 哈哈~

不過阿一當正係自己個私家位, 無時無刻都訓o係o度~

一豬望咩呢? 咪望住門口, 睇下姐姐番黎未囉!

呢兩張都係阿一見到我地同狗狗親密, 之後"呢"埋o既樣~

訓門口真係咁爽? 通風o的呀?

一豬仔有無肥到先? 成個肚腩出晒o黎~

都未放好, 就搶住食, 有無咁肚餓呀~

密密食 ~

點解要跳上去食? 咪因為呢個罐罐係阿一獨有嫁, 姐姐o的貓都無, 所以阿一要跳上去食, 咁姐姐o的貓就好乖唔敢跳上去 (因為會畀阿一打, 哈哈~)

食得好快, 阿一就o黎變番以前咁喇~

已經唔見條巴癢, 傷口位置仲開始生毛毛喇

食飽飽有咩做? 咪訓番個靚覺囉~

阿一...竟然畀姐姐抱, 仲要唔走, 羨慕死人!