寄託..

2月3日

想早啲起身都早唔到
較左鐘，聽到. . . 但覺得好攰，繼續瞓
噢，早瞓左但都早起唔到，仲要瞓多幾多日先recover到!!!???

而家返將官，搭bus去彩虹轉taxi好似已經變左我的指定路線
其實我都想慳家一點，但每次返將軍澳都好似早唔到出門咁. .

是日天氣勁濕立立，勁黐立立，討厭﹗

下學期第一堂
好曵嗰個小一仔，唔知係咪我同老師反映過，老師又同佢家長反映過，家長又同佢反映過？
佢彷彿乖左好多咁，起碼冇亂發脾氣，但啲小朋友又係啦，總係好喜歡你告我狀、我告你狀
真係好煩，你地個個咁告，我又要個個咁理，唔駛上堂啦
而家啲細路，有病o架喎，真係可以老屈作嘢黎老人狀，黐線o架!?
大嗰班嗰兩個又唔生性，講極唔明。
大佬，你返屋企又唔練嘢，黎到呢度又唔積極啲吹多啲嘢，咪即係o徙緊阿爸阿媽錢囉﹗
畀一百蚊黎要我同你hea？你明唔明呀. . . 你會唔會畀一百蚊人地叫人地陪你hea一個鐘呀
醒覺啦好冇. . .

轉地鐵去觀塘搭269C入天水圍
黐線o架﹗搭左超過粒半鐘車﹗塞車. . 遲左到. . .
唉，以後醒啦，幾攰都係搭鐵入去算喇. . .

繼續花車巡遊的排練
好驚囉，high king佢地未到，斐要我地一組組出黎跳一次囉. . .
啲steps堅難，我未係記得好好. . .
最慘係有啲人突然被點名. . 話佢唔好. . . 陰公>.<
到high king黎到. . . 嘩. . . . . 今晚真係似「遴選」喇
突然地要我地跳，然後分我地組. . . . . .
好多人會覺得，佢係分開左一組跳得好，一組跳得唔好
但我又唔係咁覺得喎，兩組都應該係有好同有唔好 (或者真係第一組平均質素高啲嘅)
因為兩組係向兩邊唔同觀眾，好的大概都企左喺前面
咁我嗰個位算係. . . 咩？好？唔好？oh~

係好得意呀，斐初頭有叫我地數拍子跳一次
但，high king教我地時從來都冇數過拍子喎﹗
佢真係唱出黎o架喎. . . 扮個音樂唱出黎o架喎. . .
轟轟隆轟轟 撐 轟轟隆轟轟 撐
gagagagagagagaga gagagagagagagaga
有趣有趣

其實我真係好唔鍾意跳popping。
冇錯，一跳呢part，有人話鏡都唔敢望
至於我地嘛. . . 咁矮，企後啲，都畀人遮晒個身，唔駛望，仲好。
不過，好似跳跳下，佢又改改下，好似唔駛跳咁啵。

喂其實，成個音樂都只係1分30秒
我地個花車一出，都只會企低喺鏡頭前出現跳1分30秒就走
咁點解，呢個1分30秒好似排咁耐都未排完嘅. . . . !?

最開心係可以去飯房食. . . 瑞士卷呀﹗
有同學仔唔食，拎埋佢嗰個同人分，好滿足呀﹗
(咁有嘢食都好過乜都冇得食丫)

好嘢，又搭276A返上水
遇上團四的兩位同學仔
真係好多嘢講. . . 係上次zarahn圍你音樂會問問題的那個同學仔
另外係細我一年但個樣似細我好多年的妹妹，丫﹗佢之前讀沙官o架，佢識我識嘅人呀﹗
佢而家讀樹仁新聞呀，但佢唔識我那些讀樹仁新聞的朋友仔喇
(她說她很摺，本人覺得摺這個字真係很潮，我差啲唔識解)
傾左好多嘢呀，又講點入天比高到團一團二團三團四再到點去水腫，講到火車都講
上水買宵夜係我期待已久的節目，因為我又唔知我下次黎係幾時喇
今次終於試左阿叔個煎蠔餅，嘩﹗13蚊又真係好抵食﹗好好味﹗
都走去搭車o架喇. . . 但我都叫低左人地因為我要返轉頭買個炸雞. . . 睇黎我又嚇親新朋友
人地覺得我食好多嘢喇. . . woo >.<
但真係好亢奮好有胃口就算飽飽地都好想食埋佢丫嘛﹗卡﹗

是日我. . . 發現左個. . . 懷疑都係剃手毛的男人﹗

http://ah-yau-1989.xanga.com/721625554/item/

自己覺得自己做錯事

大概加埋身體狀況其差

心情真的挺異常挺奇怪挺差

需要搵一樣唔會走左去、唔會畀人搶左去的東西來寄託。

最好還能給我一點愛。

有些時候，真的好想大叫。

其實有個人支持好緊要

其實有個人分享好重要

http://ah-yau-1989.xanga.com/721274716/item/