嚇親 x 2 （16/8/09）

尋日係潛聚力一年一度嘅珊瑚普查，點都會跟埋去嘅，以防唔夠人都可以頂上吖嘛 ~

相，其實執好晒架喇，不過就係唔知點寫，因為我想鬧人，但係又知有人會睇，有 d 野真係會嚇死我，好可化的。

跟呢 d 聚會去玩，真係分分鐘會遇到 d 唔同種類嘅人（我咁睇人，人咁睇我啦 … ），o岩傾嘅就緊係好啦，不過由早餐至超市買汽水，我知我呢日會黑仔 …..

上晝人地嚮橋咀南做野，我就嚮船尾浸水，失策咗唔記帶防曬 ….

等人地做完正經野， fun dive 就去咗東霸。

東霸 d 石柱生多咗野喎，可觀性更加強啦，再加上果群 barracuda，大條咗唔怕人添喇，咁都影到添呀。  

上到水發現有人抱怨先頭嚮水底撞到另一班 diver，投訴人地冇禮貌喎 ~

我唔知人地做過乜，不過好大可能係果兩班新人喇，因為我地撞到頭數人之前同之後都另有一批新鮮 diver 遊過（係咪新人，好易認嘅啫），之不過對待新人應該要開放少少嘛，水底嘅控制能力唔係一朝一夕就練得成架 ~

咁唔通攝人位影相就好有禮貌喇喎 ~

第二支係靠近左邊落，有牛啦、有扁蟲啦，妖，又有攝位人啦，個海咁大，點解又會撞到架啫？？

呢個係激親唔係嚇親喎 ~

咁嚇親係咩呢 ？！

一，日本大吃大喝後遺症，wetsuit 自動變窄

二，我唔講喇，不過我真係嚇親，無論嚮水面講嘅野同回程嚮碼頭講嘅野，我只係普通人一個！太熱情會另人受不了 ~