麥徑第三段

呢段路約咗個幾月呀，唔係呢個唔得閒，就到另一個，一係就落雨，終於等到今朝，雖然天陰陰，總好過烈日當空，係濕度高咗 d …….

北潭凹公廁門口個個舉機影咩呢？

原來係一對呀

嚮北潭凹就上山喇，一大段石級，邊行邊抖，舉頭望牛耳石山，畀 d 霧遮咗一截喎，唔係要行上去下嘩？！一路依依哦哦點解揀呢段路 ….

呢度山腰咋 ~

行到咁上下，d 雨水打橫打埋黎，涼浸浸，原來就係嚮山腳望到果層霧水呀。

上上落落咁去到嶂上，怕咗 d 牛牛黎討食，休息咗一陣就繼續行喇。上山落山，d 爛容容碎石路已經有難度，仲要一路行要避牛屎！

行經雷打石，見對面山路段更高更抖斜，係要「岳」高頭望的！即時喊咁口呀！

唯有不斷高呼，係最後一個山啦，最後一個啦 ~~~~

雖然高山一個又一個，不過風景好靚喎，西貢海、馬鞍山盡入眼簾。我冇乜影相呀，冇帶大相機之餘，仲朦朦朧朧，算把啦 ~

話說過咗牛耳山就輕鬆落山之際，好奇怪咁快就落山？？

當然知道未有咁快行完啦，落咗山咪又要上番山囉，所以是日金句：落山咁輕鬆丫拿，要還架！

399 米囉，係要還架 ~