海迪貓喵喵喵

喵

三五成臀之菇徒遊台北 – Day 1

網誌分類：海迪貓‧玩玩玩 |

圖片
網誌日期：2009-10-28 22:55

呢個台北之旅大大話話plan左有成半年… 痴線… 係半年！因為涉及人數較多(成8個~)，加上大家出發時間都有唔同，所以o係book機票酒店同plan行程方面，都要分開黎plan。雖然中間都有唔少阻滯，但係大家都好enjoy呢個過程，亦都更加期待同enjoy呢個旅程。  

Day 1
四人臀 – 雞丁/夫人/餅/貓
 
第一日得四個人，一大早分別由香港同澳門出發，約o係台北機場等候，之後齊齊搭巴士去酒店check in。

香港臀友

Kam Kam都有份去～

Welcome to Taiwan!!

 沿途見到個天灰灰沉沉，大家心裡面都諗，黎緊幾日唔好落雨！出發前日日check住天氣，因為有個颱風吹緊去台灣，話會落雨… 夠喇，keep住呢個狀況就夠喇，唔該。點知一落車已經開始落雨… 好彩都唔係好大… 希望唔好再大落去啦。

個天灰到…

我地今次個trip住o既係精品酒店，離台北車站好近，好方便。同埋呢類酒店雖然細，但真係好企理，好乾淨，最緊要係價錢都好合理。呢間好過癮，有茶水間畀住客使用，入面有雪櫃、咖啡機等，都幾齊全。

我地住呢間新驛旅店

山鏈山

Kam Kam屈蛇

個茶水間好齊全喎

Settle down之後，就落街食野。第一站係胡椒餅。呢間胡椒餅好多人排隊，不過佢一灶都出好多個，我地都唔駛排好耐就有得食喇。個餅皮好脆，入面o既肉肉汁豐富，重包左好多蔥，食落好香。不過一個人食就真係太多喇，都幾膩… 同人share食會比較好。 

食完好飽～

食完胡椒餅，就出發去肥前屋。呢間舖出名食鰻魚飯，不過我唔食鰻魚o既，淨係試左少少飯，同埋叫其他野食。水準ok，又唔係話好似o的人講到咁好食，都可以試下o既。

 之後去左新光三越行左一轉，上到去就畀兩個sales捉住試食龜苓膏，試完一杯又一杯，重係咁游說我地買… 不過我地最後都冇理佢地就走左去，哈哈哈~ 行完一輪，見有時間就落左轉西門町。去到西門町，行下食下，跟住為左搵toilet就入左誠品西門店，點知其中三位臀友竟然開始血拼！好野。最正係買夠數有現金券送，跟住又買過… 如果再買夠數又有得送… 呢個刺激消費o既idea都幾好。哈哈。我地o係西門町行左好耐，之後就返酒店休息，沿途重買左兩碗粉圓。

返到去，諗住上網同黎緊o既臀友夾返o的野，點知搞左好耐都上唔到，call左front desk上黎睇，佢有佢整，我地有我地食粉圓、鴨舌同玩Rummikub。但原來連front desk都搞佢唔掂，算數。

大家早o的休息，叉足電迎接Day2行程 – 自由活動！

引用(0)

知多一點：

共3個回應

私人回應檢舉

這是私人回應

檢舉

這是私人回覆
檢舉
yiuchai 2009-10-29 23:44

妳去兩次咗, 我都未去過!!!!

檢舉
海迪貓2009-10-30 13:29

我諗我會去多幾次囉~
另外，我覺得墾丁o岩你多o的... 快o的去啦~
檢舉
方包超人 2009-10-29 19:37

等到你出台灣遊記啦

檢舉
海迪貓2009-10-30 13:31

多謝你o係我出發前o既指導... o的相晒緊，希望見得人啦。
但我筒正片... 我白痴地校高左ISO~~ (我記錯左佢係ISO200菲林... ) 會唔會有事架???