海迪貓喵喵喵

喵

三五成臀之菇徒遊台北 – Day 2

網誌分類：海迪貓‧玩玩玩 |

圖片
網誌日期：2009-10-29 23:52

Day 2 
自由活動

因為好耐冇放過假去旅行，所以就特登請多兩日假。亦由於要到半夜先齊人，所以呢一日係自由活動時間，大家可以周圍睇下台北。我對於呢一日o既自由活動好期待，因為未試過出門一個人自己行。 

一早起身，就聽到好大o既雨聲，唔通連個天都唔鍾意我地！我地一路梳洗一路睇新聞，話個風好可能吹正，亦有可能折返菲律賓… 我唔理啦，總之唔好落大雨，唔該！跟住同阿餅一齊食早餐，之後就分道揚鑣，開始自由活動。

早餐 - 培根蛋餅 + 黑豆漿

台北市立美術館
本身係想黎睇下影下相，但出發前上website睇，先知原來咁o岩有Pixar20週年展覽，咁就順便入埋去參觀。全票都係NT200，勁抵。

遮陣

我o個張係蟻哥

 呢個展覽展示左Pixar 畫師o既手稿，亦有人物o既手工雕塑，介紹Pixar製作電腦動畫過程o既video，當然唔少得佢地o既創作短片等等。個展館都好大… 我o係入面逗留左兩個幾鐘，主要係睇左大部份o既手稿同埋短片。好精彩o既一個展覽，要製作一套電腦動畫真係唔野小，係要經過一段好長o既時間，就單係設計角色造型，都已經有好多個唔同o既構思，厲害。之後去左睇埋其他o既展覽，主要係畫展… 不過我興趣不大，所以都只係好快咁行左就走，出去外面影相。哈，其實原來外圍都冇咩好影… 加上又天陰陰，落下雨咁，就好快咁行埋過隔離台北故事館。 

台北館事館
 因為只係o係隔離，而且被座野個外型吸引左，所以就過埋去睇。今次主題係老樹… er… 哈。不過入場費係畀八八水災o既，OK啦~

門票收入捐贈八八水災

好快就睇完喇~ 之後要去搵食… 好肚餓… 因為淨係o係美術館都已經逗留左三個零鐘，睇埋台北故事館，都差唔多四點，中途冇食過野。好，出發！ 

貓花園
呵呵~ 壓軸就係去睇貓貓喇！想黎呢度好耐喇，planning o既時候，呢度係首選要去o既地方，hehe。

呢度有十幾隻貓貓，重有一隻大狗同烏鴉添。o的貓貓都好乖，唔算太活躍，但唔會好似阿貓地攤o個o的咁cool。一坐低，我就發現我隔離位有隻貓瞓左o係樹，呢度每張枱都有一個專畀貓貓坐o既椅，好搞笑。因為實在係太肚餓，第一時間係叫野食。o的野食都算幾好，食飽飽就同o的貓仔玩下先~

呢隻狗狗好乖架

呢隻肥貓係咁咬我個袋條帶

人齊
Plan好左o既行程已經去晒喇，跟住落黎就約埋呢一日到步o既海迪同佢媽媽一齊去忠孝敦化買tee，買完又各自行街，跟住落返書街買書… 買完書實在係太攰喇，成九點… 同埋呢日因為係媽媽臀友生日，而剩餘o既兩位臀友要差唔多十二點先到台北車站，所以就食少少野先，走左去買甘梅地瓜同珍珠奶茶返上房休息… 到差唔多夠鐘就同阿餅去接埋兩位臀友，Dolphin同海迪細妹。

引用(0)

知多一點：

共3個回應

檢舉
勁唔專業貓像攝影師 2009-11-02 23:20

唔該海迪~~~

檢舉
海迪貓2009-11-02 23:30

唔駛客氣！其實台北都有好幾間貓cafe，不過好似係貓花園最多貓。下面條link有介紹，不過我唔識日文… 睇左個名再search都ok o既。
http://www.tabitabi-taipei.com/youyou/200508/
記得影多o的貓貓啊！
檢舉
勁唔專業貓像攝影師 2009-11-01 23:41

有無貓花園個地址呢？我下個月都係台北，我都想去下影下貓咪呢~~~

檢舉
海迪貓2009-11-02 00:08

台北市士林區福華路129號
芝山站落車，向出口右手邊行就見到喇！
檢舉
王C 2009-10-31 14:52

貓真好。

檢舉
海迪貓2009-11-02 00:04

佢地好cute~