海迪貓喵喵喵

喵

三五成臀之菇徒遊台北 – Day 5

網誌分類：海迪貓‧玩玩玩 |

圖片
網誌日期：2009-11-01 22:58

Day 5
我捨不得你

黎到旅程o既最後一日，真係好唔捨得呀！

前一晚已經執好晒行李，所以一早就check out左先，然後出發去食早餐。

我地去左位於西門町o既蜂大咖啡，一入到去就聞到濃濃o既咖啡香，雖然我唔係咖啡迷，但都覺得好吸引。呢度食早餐都幾抵，NT100配綜合咖啡，如果配其他咖啡都係加NT50啫，咁我就梗係揀Latte啦。

食飽飽就去買手信。臀友們去買星野銅鑼燒同阿默蛋糕，雖然我都好想食，但買到返去得我食好冇癮，所以都係唔買，慳返！

買完晒野，消化完一輪，又去食喇！

上次黎台北冇食度小月，今次要黎食喇。有人話台北度小月唔好食，可能我對於食冇乜好高要求，所以食完之後我覺得OK，都唔係咁差o者。

蜂蜜絲瓜，好清新！

o係度小月隔離，有間自助yogurt店－Yogurt Art，正！所以未食度小月o個時已經決定左，食到幾飽都要去食！呢間店係自助形式，有6款味o既yogurt，重有好多種toppings，自己搞掂就去磅重，NT52/100g，都唔算貴。我一口氣試左4款味，雜莓、綠茶、荔枝、原味… hehe~~ 好味！