齊齊煲冬瓜

琴日買左一大塊冬瓜，

小暑將至嘛！

點知熱到唔多想食飯，

夜晚求其番茄蛋撈拉麵算數，

食飽至見到有大舊冬瓜望住我！

於是就咁煲冬瓜，

鹽都無落，

淨冬瓜水又幾好飲喎，

當然要狗狗幫手飲啦，

弟弟一大湯碗，

扁扁滿滿一飯碗，

dap dap dap 就飲晒，

的確需要解暑啊！

跟住睇黑姊對黑妹場網球賽，

一路睇一路食白灼冬瓜點豉油，

又幾好味，

兩兄弟聞到味坐定等運到，

於是我放碟豉油在茶几邊，

用手逐隻餵白灼冬瓜，

古人望梅止渴，

佢地用個鼻調味！

今朝六點，

兩隻野鼾聲震天，

十足兩大男低音對唱，

原來佢地都受天氣影響，

解左暑就訓得好！