seven pounds

http://www.sevenpounds.com/

睇呢套戲原因, 當然係因為Will Smith係陳生嘅偶像啦, 不過自從我識左陳生, 變相我都成日同佢去睇戲, 基本上每個星期六晚上, 如果有我地想去睇嘅戲, 我地都會去, 住呢度有個方便, 真係踢對拖鞋就可以行得, 我地通常都會簡最後個場, 等到食晒飯, 返屋企hea一陣都重得。

今次呢套戲實在值得一看, 唔係話鼓吹人去自殺, 事實一開場前都已經打左warning, 而係成套戲所有人物都做得好好, 無論描寫佢地內心定係每個關鍵時刻都做得好好, 再者故事嘅編劇都值得一讚, 雖則主角因一場車禍, 另到自己嘅妻子及七個人喪命, 但係主角真係會為左自己曾經做錯過野而補救, 我諗人世間, 未必會揾到一個咁樣嘅人, 佢嘅仁心、豁達、犧牲嘅精神, 凡塵俗世, 我諗冇人可以去到佢個階段!!!

睇完呢套戲, 陳生見到有d觀眾喊到豬頭咁, 可能係好感動到佢嘅線位啦, 不過無論係點, 呢套係值得一睇嘅戲。

另外, 睇完呢套戲, 我更感受到, 器官損增嘅重要性, 雖則我已經一早登記左, 但我都希望有緣睇到呢篇文章嘅人, 都登記吓呀!!!

http://www.organdonation.gov.hk/

我都登記左啦, 除左皮膚之外, 所有野我都會損, 唔損皮膚唔係因為我想有番副全相, 而係我本身皮膚實在敏感, 唔想害到人咋 !!!!