我為酸辣米線瘋狂

21/8/09

以前成日都聽人講大肚婆食野口味會變怪，想到食乜就食乜，HAHA...依家都信啦，又真係架WOR，有時無啦啦聽到人講開乜野就好想食架啦，雖知道依家我要戒口啦，不過有時真係好難架，要知我以前都已經戒食好多野架啦，但依家有時都會放肆下HAHA

唔知仲乜鬼呢期好想好想食酸辣的野，仲好想食酸辣米線，21/8個日已LUR左SIMPSON去食，但番左屋企又唔想出太遠，所以就去左沙田的譚仔記止渴啦，不過呢間野應係因租金太貴，所以D野食好似貴好多甘

22/8/09

得逞後，星期六就同叔仔、99同老公去深水埗食出名的雲南米線，食完碗酸辣炸醬豬腩米線，真係好滿足呀之後仲去左行H&M睇傳說中的大肚衫同BB衫，不過依家個肚又未好大，遲D又冬天，都係唔買住但D BB衫真係好Q同好抵WOR，最最最重要係有好多貓頭鷹衫呀遲D一定要掃下貨先....

24/8/09

今日番番下工又好想食酸辣炸醬豬腩米線，由一早已心思思到就放工，最終忍受唔住決定放工一個人去食呀，同事知道後都話我傻左呀，山長水遠去食，但唔得呀，我同Kitbb都好想食呀 haha (拖埋佢落水先) SIMPSON知道後唔放心我一人去，最後佢都頂唔順我要出去匯合我，老公真係錫哂你

去時就好期待，食完後要行番成10MINS去MTR，就覺好累啦，你知啦，依家每次食完野個人都會攰，可能KitBB吸緊D能量，深水埗鬼甘多人，係未真係有甘多人買電腦呢?唔係每人已一人一樹GA MAE????好左有老公係度咋，唔係真係大鑊呀!可能因番左一日工啦，又行來行去..下次都係唔可以一個人去食啦....最多搵多個人陪...HAHA