過關啦...

媽媽的手術由早上8時30分進行，約1時半就推番出來....個日係屋企一個人，主要都係度搵下野做唔使甘擔心，其實最擔心係收到電話，好彩係無!!之後就同爸爸出去啦，一去到ICU，心情就好沉重，真係好唔同，一見我媽媽後，我就忍唔住流淚啦，媽媽身上所有地方都插哂喉，駁去好多不同的儀器，地上仲要兩大樽..係兩個估計有成3L容量的玻璃樽，入面有三份二係血水!!!個一刻好驚呀，又唔知係乜，係甘流出來….我就走去問護士，可能佢見我想喊…甘就走來同我介紹佢係今晚照顧我媽的護士，解釋佢插左乜野喉同原因，仲有講地上的D血水原來係從傷口滲出來的血水，以免積聚係傷口，仲講流量不太多算OK，知道後都無甘擔心，不過都好係...估唔到傷口可以有甘多血水滲出來.....之後就同我地講由於佢講唔到野，叫我地只可係一邊睇住佢同俾佢知有人來探就OK啦，唔好同佢講野..因病人明知講唔到又好想講，會發脾氣影響呼吸。

之後我媽就醒左，正如姑娘所講，無奈我媽就不斷想示意同我地講野，因手術後會有好多痰令佢唔舒服，加上佢個身因麻醉藥而好辛苦，如想我同佢 “R”痕、按摩，原意好耐先知，開始見佢 “掹”，我就不斷叫佢忍下，唔好講野影響呼吸，之後就同佢鬆下個身，我都知會係好辛苦，佢仲要係大手術，之後佢因麻醉藥而成日口乾，護士又講唔可吸甘多….佢又掹….我都不斷安撫下佢….期間，對面個伯伯不斷大叫要死呀..要走先過婆婆好痛呀…..好左之後佢子女來左就好D啦…….大約8時，我地就走啦…..見到媽媽順利過左一關..個心都定番哂…..不過好可惜係當護士抽痰時我地出去迴避期間，醫生就來左巡房啦....見唔到醫生...好想知情況.....多謝大家的慰問呀