280109 Lamma Island

今日好開心呀!已經有11年無去過南丫島,今日終於又再去.一值都想去但無啲起心肝,好多謝亞Katy咁爽快就做搞手,6人6狗狗,Katy,亞龜,Mack sir,Crystral,Tony,我,99就有紅豆,小吉,Bluey,亞細同HEHE & HOHO啦~!每次都好珍惜每次gathering,因為次次都唔一樣,唔同組合有唔同趣事.Thanks all~!

HEHE係好細膽,上船驚到落船

到啦!

南丫島原來有Bali Holiday Resort,第一時間諗起Bali個FD,就send呢張相比佢先~!

副牆嘅圖同11年前一樣,其實我對南丫島有特別情意結,今次係第3次嚟,第1次係11歲參加社區中心活動嚟,回程趕搭船,我同林X欣掛住望嘢同大隊失散,跟住跑來跑去找大隊嘅時候,比狗追~!第2次嚟食海鮮,第一次食避風塘炒蟹,辣到飛起~!果次食咗好多好多嘢~!亦都好開心!同好有夢想之後可以住南丫島,正!好有D retirement and holiday mood, i love it~!不過,對返工嚟講,係唔方便~!

係今次係逗留時間最短嘅一次,不過好充實,

一去到就食車仔麵,之後再吃辣辣串燒,好好味呀~~~~!下次要再食!

再食豆腐花,重見到"建興亞婆"揹重豆腐渣重擔子都行得好快!閃閃閃就唔見咗人~!

到咗海灘啦~!

行山半途中吃孖條,好耐無見孖條

好似美食購物行山南丫島團,竟然可以買到我鐘意嘅鞋款(不過係Hello Kitty咯~!Melody會好D, hehe~!)同粉紅玖瑰袋.

賢妻良母就是呢D,旅行都買靚料煲湯,平日人同99都有口福呀!可以整咁多嘢食.

HEHE&HOHO

行完啦!等搭船

(亞細,你做乜呀?近海釣魚?)

好似抱BB咁

Bye Bye~!Lamma Island!之後好快會再嚟!多謝主!平安又愉快一日,hehehoho~!