天地有正氣！人斜心不斜！

好高興！天地真係有正氣！一定要慶祝下！

上回講到，小禮牛一去邊度食飯‥‥答案：又係酒店buffet！But今次間酒店好鬼過癮，舊年十月先開業，位於土瓜灣，名叫「八度海逸酒店」。睇個名「八度」，估佢唔到‥‥原來裡面唔少設計都係「八度/ 8 degree」，即係一個字：「斜」囉！

個reception‥‥斜！

牆上擺設‥‥斜！

裝水隻杯‥‥斜！

連條柱‥‥都係斜！搞到小禮忍唔住學埋啲「自由行」咁，攞部手機出嚟影相！

見到咁多「斜」野‥‥搞到我個人都「邪」埋... no‥係斜埋‥不過，放心，「天地有正氣，我阿妹人斜心不斜」！望下望下，都有啲暈暈地添‥都係快啲貢入去餐廳食嘢，定下神先！

有火喎！拿拿淋埋去取個暖，盼可將燭光交給我，讓我也發鷄盲‥！.................唓，完來係假野！

話晒係新酒店，餐廳設計都好hip吓！見到啲咁襯我品味的設計，個心都定啲！

再見到條buffet table，完全定晒啦！

仲有！！「哈根大」雪糕添！當堂安樂晒！

雖然呢度食物種類唔算太多，但俗語有云：「貴精不貴多」，啲野都整得幾好食！

有我最鍾意的海螺！ (唔係「914安徽」嗰隻，我無買噃！)

煙三文魚好似好新鮮喎！

仲有腳長長的「長腳蟹」，同生猛過「陳豪」的「生蠔」 (好一個爛gag！)

唔食生嘢的話，焗都有架！

裝咖喱的四個兜兜都幾型仔喎！

由於人唔多(可能間酒店太新，地點較偏遠呱！？)，所以唔駛同人迫！正！但相對地，攞野食時，俾啲悠手好閒的員工，昅到實‥搞到有啲唔好意思添！‥‥

亦因為人唔多，啲師傅都豪啲，俾咗好多舊魚生我哋！發達囉！(可能見我靚女呱！)

條魚同我差唔多長喎，我都學佢‥嚟一招神龍擺尾先！

呢間餐廳都花唔少心思整餅‥你睇！整到個餅咁型，肯定唔係阿茂整架啦！

我阿妹最like的，就係呢個好colourful的士多啤利蛋糕！

咦！條Tiramisu仲長過我喎！

除咗蛋糕，呢度啲麵包聲稱係「日式」，超軟！外面買分分鐘要成十蚊一個嫁！要回本，就要食多幾個喇！

小禮話下次可以再encore喎！其實間酒店都唔係咁遠，喺九龍站同尖咀九龍酒店有shuttle bus。有八五折coupon的話，埋單計數，每人盛惠$310蚊！都O啦！