去完台灣旅行後之三人行,,,係單車行

繼台灣遊、在高雄旗津租單車踩之後，和朋友仔約定在今日(2009Nov12)踩單車，原本有五、六位，最後只有三位。我地o係元朗炭完早餐才出發，好休閒Feel。途經錦上路師父地頭，我地仲發雞盲睇唔到佢在對面馬路幫佢brother整屋，要佢大聲叫住我地先停低，同佢吹吹水，參觀吓間屋，用高壓水槍洗吓條呔。跟住又去左雷公田食芒果布甸加飲氣水，正！跟住又沖返落山腳上村迴旋處，轉上嘉道理方向，過左凌雲寺，就到呢度喇．．．

o衣，有架Lama仔泊左o係度,咪睇佢條尾好似得個鐵架咁，喜瑪拉雅山區多數用佢架！睇睇吓，聽到狗吠聲，弊！有兩隻金毛尋回犬由右前方office果度衝向我地，好彩佢地唔識由大閘衝出黎，只係在右邊鐵線網好惡咁吠我地！係呢個時候，我地聽到撞車聲，望向落斜方向，見到有車尾燈光，十成係有車撞停左，其他車要收慢啦，咁我地又沿住落斜方向，落到凌雲寺路口，英坭廠門口巴士站，有架綠的撞左，就咁我地就幫左一陣手。

做完野，亦唔覺好肚餓，冇入林村食豆腐花／扣肉飯，去到大窩西支路，大家又諗吓，，，不如試吓行highway對面線外面的小路丫，就咁，在路邊發現左單車窩的路牌喇。


單車窩門口離路邊約二十米，遠遠已看見老闆娘Janet向我們招手，咁我地就入去睇睇，Janet好nice咁招呼我地，叫我地可以泊好架車先(果度有泊車架)，仲給了我們每人一杯水添，佢向我地簡介了呢度有d乜設施，仲有，呢度有是日午餐，咖哩牛腩加特式麵包再加涼粉冰。各位車友，如果經過大埔康樂園附近，就可以到呢度歇歇。

離開單車窩，再沿小路向粉嶺、上水方向走，走的都是水坭路，幾舒服o架。

去到上水鎮洋兄弟單車，個天開始落雨，call師父救命，最後大家係決定務住雨踩回元朗吧！亮仔仲要踩多10公里到屯門家，希望佢冇凍親啦！


睇吓我個無線咪錶！Max.Speed: 90.5km/hr!!又係比外星訊號干擾，阿興69.5km/hr係嘉道理落林村果陣o既記錄。點解哩數又相差咁大？誤差大？no no no,係我在出發前踩左一轉出加得士幫佢打呔氣嘛！