孕況二三事

23號到了伊院進行第二次血糖測試，

今次是我姐姐陪我去，

所以等兩小時的感覺過得快了許多，

多謝姐姐！

不知何解，

我對抽血仍然覺得恐怖，

衣袖一拉上，

PatPat就開始感覺麻痺。

護士：「你唔好緊張，一定一針過！」

我：「吓？有唔一針過嘅咩？」

護士：「梗有啦，拮入去無血出，咪要拮多針囉！」

我：「唔好卦？我好驚呀！」

護士：「唔使驚，你依家深呼吸，再呼，再吸...」

抽畢，

姐姐：「乜咁快要吸呀，呼呀，抽血咋喎！？」

我：「你又聽到？」

姐姐：「出面等嘅人都聽到，你咁大聲話自己驚！」

前天，余生和我開始有些傷風，

該是被人傳染。

余生情況較嚴重，

幸好沒有燒，

只是咳和喉嚨痛，

但，他沒有好好休息，

所以今天的情況還是沒有好轉！

為了小余兒，

余生病了也要當廳長，

真可憐！

希望他快些痊癒吧！

唉，星期六還是一早去當兄弟做司機，

真令人擔心！

今天，我終於請了陪月，

聘用的是較有規模的陪月公司。

由中介人帶同陪月員到我們家會見。

她們的服務真不錯，

雖然還未正式開始陪月工作，

不過，中介人胡太為人不錯，

所承諾的服務範疇也較多，

雖然價錢略貴，

但余生覺得值得，

因為他很想我坐月時好好調理身體，

又怕他自己不懂照顧小余兒和我，

所以一直都說幾貴都值。

（余生，你係咪驚自己攪唔掂我同小余兒呀？所以幾貴都搵陪月呀？係咪驚我發難，所以用錢去攪掂我呀？）