Not GOODGOODGOODGOOD.....孕婦忠告

一直我對奶類製品都很忠愛，

不過，要我齋飲鮮奶通常都可免則免。

但自從知道有了BB之後，

我都每天喝一杯或一盒奶。

奇怪的事出現了，

記得我是6月4日驗到bingo的（很敏感的一天吓），

乖乖的我從5號就開始喝維X奶，

打從那天開始我就出現肚瀉情況，

（有些大肚網友都聽過我有這情況）

看過四次醫生，

醫生都認識如果不只是「水」，

就暫時「由得佢」，

看看日後怎樣！

誰不知直到了今個星期，

已經四個月了，

我仍然每天都有肚瀉，

次數還不斷增加，

心裡有點害怕！

前天，我返奶奶家吃飯，

談到我肚瀉情況：

大哥說：你有冇飲奶？

我：有呀，不過我以前都飲得，都無事！

這時，大家都你一句，我一句。

突然！

大哥大聲說：呀，呀，我一直都唔記得話你知，千其唔好飲維X，甚至牛X公司屋仔奶呀！

..................

我&余生異口同聲：唔....係....嘛.....??我(佢)咪係呢隻囉！

那時，大家又你一句，我一句....

余生大驚：阿哥，你快D講有咩問題先。

大哥：哎呀，一周刊之前登過有個孕婦投訴話飲左呢隻奶肚瀉，後來一周刊查過.....(下刪一百字)，總之係運送過程出問題，因為佢地無做UTH(定係UHT ??)呢個消毒程序，所以運送過程遇室溫奶就有菌。

我：無言

余生心痛：慘咯，無啦啦痾左幾個月，BB仲唔知食左幾多菌呀...慘咯....

此時奶奶拎住一盒維X屋仔：係呀，我凡去唔到廁所就飲佢。

我：無言。心諗：奶奶，你真攪笑，賣瀉藥廣告嗎？！

大哥：哎呀，你地仲咩唔出早聲呀！

余生：點知啫！？

大哥：總之就唔好飲本地仲埋要冷藏嘅奶，就算飲都係保鮮裝，即係賣嘅時候唔使雪果D。但，最好就係飲外地牌子就最安全！

余生依依哦哦：慘咯...慘咯...慘咯...！

突然看著我(命令式)：你，聽日好立刻買另一隻！

我：係，知道！Yes, Sir

註：余生大哥是一個極具醫學常識的人，

對於保健、健康或醫學事宜都十分留意，

故絕對信得過。

第二天，我立刻轉飲日本奶，

當天就再沒有肚瀉！