發記海鮮酒家

o野真係要爭先好食(so 犯賤)~
今年Annie回歸, 大家去布袋澳食海鮮。入去趕唔切六點班車, 唯有響寶琳站搭的士。
得八個人, 但係要嗌十二人餐, 因為全個餐廳係得十二人份量o既餐喎。散叫又唔抵, 照嗌啦。
份量係幾多o既, 鮮唔鮮呢....就麻麻o地啦, 唔係話一食落就覺鮮甜咁囉。瀨尿蝦多肉但無乜膏喎, 奇怪?
龍蝦算唔錯, 聖子大隻d仲正!
八個人裏面有一半係食半個人份量, 其餘四人合力解決10人份量, 好勁~ 無數住o黎食, 淨係記得不停食不停食不停食都仲有, OMG~
最慘係搭車走, 落住雨唔夠遮, 幾個人分一把。又好多人一齊等o個間半個鐘一班o既小巴, call的士又無司機肯接旗, 茺山野嶺, 極有賣豬仔o既感覺。
最後去坑口食埋糖水先散band, 飽到不行o既一晚。