朋友有幾款 ::

有一款朋友, 我就有幾個. 唔知大家有無呢?

F小姐係一個好nice既人, 對人好好, 同佢相處係ok的. 不過我同佢唔算熟, 亦都好少見. 不過佢總會一頭半個月就會係msn"問候"下我...好有心
之不過我真係好質疑佢到底係咪真係有心呢????

每次開場一定問以下問題:
"Hi, how are you?" <-- fine
"係咪仲番緊果份工?" <--"係呀!"      大佬邊份果份? 呢個問題佢次次都問! 講緊係一頭半個月就問一次!! 你估我打游擊呀?
"即係仲係尖沙咀番緊?" <--"MK"      小! 轉左去MK半年都黎緊喇. 答過肯定最少5次! 最少最少! 絕對有!
"係喎, 唔記得左! 做toys架嘛" <--"做電子"     我屌! 夠喇! 講左九千幾次喇粉皮!!
"係? 幾時轉架?" <-- "..............."         請唔好再挑戰我EQ

F小姐, 我同你唔係好fd, 我唔suppose亦都唔覺得你需要記住我係邊番工, 公司做d乜, 但你一頭半個月就問我一次同樣既問題但永世都唔會記得! 真係好拿興, 完全係side我時間. 我都唔知你係咪索得K多記憶力得番2KB! 定係你同人msn緊果時係發緊夢純粹好悶搵人吹下水! 對唔住, 我真係頂你唔順...唔想同你講野...