我是不是不必要的一員?

我係唔係真係咁冇必要?

係唔係真係已經冇容立我既位置?

咁我又係唔係冇必要到咁樣?

我今日真係徹底咁沈沒啦，我唔需要一定有正選位置，唔需要太多既比賽時間，但我需要既係一個落場機會，一個為自己平反既機會，但呢個機會我已經見唔到，小小既希望都見唔到

做第二已經好辛苦，而依家既我直頭連第二都冇，真係好痛，個心真係好似比一把把既刀無情咁拮落個心到

冇人時就有我份

到齊人時都有我份，不過係坐冷板凳既份；我依家究竟係第幾呢?

第一?發返個春秋大夢先啦!第二?冇咁既可能!第三?都唔係!第四?都仲有小小可能性!第五?係!呢個就係我個位置啦!

總之一齊人，冷板凳就係為我而設架啦

話我唔夠狀態我認，話我唔夠熱身我就死都唔認!

一場70分鐘既比賽，我熱身最小都已經40分鐘，但一句說話就已經足夠打沈我

真係好無癮，係其他人笑既時候我真係一丁點都笑唔出，失敗

我真係越黎越唔知點樣做先好，依家比我既感覺真係「有事鍾無艷，無事夏迎春」，我仲可唔可以繼續待落去，我依家真係唔知，但真係好失望，好灰，好想喊

再講我依家真係好似一個透明人，一個可有可無既人咁，究竟仲有冇人記得我幾時生日呢?

上年既生日雖然有人同我過，但當日既主角好講真唔係我，今年既生日，我連一個電話，一個sms都收唔到，我真係變成一個透明人了，一個就算出現，都冇人知道既人，灰

我想踢波，我想比賽，我想有人記得我生日，呢d要求唔算過份吧，你地可以話我孩子氣，但呢d都係我既願望，但，今年生日真係好唔開心，好難受