生病中的生日

今日是自己的生日, 最佳的生日願望當然係自己及家人及貓地都身體健康啦 !

但偏偏的是自己這兩天已病倒了

大約係三日之前, 早上起來感覺喉嚨有點兒不舒服, 好像內裏有些東西似的 !

起初以為是痰之類的東西, 所以沒有多大理會 !

點知到第二天已開始咳嗽, 有點兒痛. 買了一些平時食開的成藥, 希望能夠壓得住

以往初起感冒時, 快快食些成藥都會好快有效的, 但今次就............

昨晚做完清潔同貓地玩完一輪之後覺得身體內裏發熱, 初時還以為是體力勞動的關係.但越來越覺得唔妥. 成身的骨節都發痛, 一時發冷一時又發熱, 陣中又好像飄飄然似的, 咳的情況更是嚴重了 但當時已是凌晨兩時多, 惟有等待到今日早上才去睇醫生吧 !

今早醒來, 覺得情況已比昨晚好左少少, 起碼沒有發冷發熱的情況. 但都趕快去睇睇醫生為妙

經過醫生的診斷, 係感冒菌引致喉嚨發炎, 要食兩日藥. (幸好冇藥水, 因為我好怕食藥水架). 其中有一隻藥係收鼻水及通鼻塞的, 好鬼散, 食左之後係好有效但超級眼訓啊 !搞到我要樁眼訓, 有段時間頂唔順, 直頭關門訓左20分鐘!

好彩有阿祖契媽的幫手, 黃昏時候來替更, 我就返家休息 ! 多飲水多休息之後, 我覺得而家康復左好多, 只係尚有少少咳, 把聲尚有點兒性感吧

小病是福, 我好有信心今日之後我會完全康復的 !!