用css裝修blog居

看到別人的網誌漂漂亮亮, 心想, 是時侯要裝修一下了,這版面維持了一段很長的日子, 看得自己也有點膩, 加上少發表文章, 冷冷清清的!

終於下定決心要搞它一搞, 以我的有限電腦知識, 無限的尋找精神, 在網絡巡遊, 終尋得名師, 反覆試煉, 圖貼上了, 可是那些字全變了白色, 想起日前溫溫也遇此情況, 我窮畢身blog的經驗, 竟無法復完, 只好套用深的顏色背景, 才把字托了出來, 不知緣何, 溫溫的blog罷工了, 可能blog也會抗議吧, 把它弄成這個樣子, 唉!

十分無奈, 就為了這些字的顏色, 耗盡我平生所學, 竟一無所獲, 只好換了一幅又一幅的圖片, 試圖把字托出來, 又不忿用回顏色做底色, 對著那一大堆程式碼發呆, 企鵝仔經過身邊, 我對他說, 我為了整靚個blog, 那些字變了白色, 看不清楚.

企鵝說: 等我睇下.

我說: 要用css碼, 係呢度入, 咁咁咁咁咁...............

企鵝仔說: 你俾我睇, 你講咁多我都唔明你講乜, 我唔想哂左你啲氣, 你都講到無氣, 而且字既顏色駛唔駛用到css咁複雜.

我只好訕訕地行開, 攞衫入洗衣機洗, 衫都未放入洗衣機, 阿仔話搞掂了, 嚇得我, 原來係好簡單既問題, 係我向複雜那方面去想,做人都係簡單些就會好的了.