阿呆

頭先返到屋企沖涼果陣先諗起，原來呢個名已經跟左我十年啦，諗返起，呢個名係初初入到中學中一果陣，唔知頭唔知路咁入左學校既"義工小組"個陣D中四中五既大哥哥姐姐改既，識得我既都應該知，識我既初期我係唔多講野既，因為唔孰、怕醜又太過自我保護既關系，跟住先會慢慢同大家多D野。果陣初初加入左"義工小組"之後都係一樣係唔多出聲，因為果陣電視又有做"小新"，佢地班人就話我似入面題阿呆，跟住果年就一直都係咁樣阿呆阿呆叫我。去到中二果陣，冇乜參與"義工小組"既活動，而多左同同級既同學玩，果道冇人知到我叫做阿呆，只會叫我全名。到上網之後，個名初初用英文名Alan，跟住又會因心情而改網名，到三、四年前先又用返呢個名，又因為小新入邊個阿呆已經沒乜人記得，同埋自己覺得叫"呆呆"會親切D，咁樣就一直都都用左"呆呆"做我個網名啦。其他我呢個名既源頭係來自蠟筆小新既阿呆呀！！ --7/1/2007