裁員

月頭阿頭話叫我有心理準備搵工，佢話個"茂利""主食"要張HK寫字樓重組做一個customer service center (我冇串架，law個阿sir話係centre架)，會cut走好多野同人，仲一定包括我個位，佢本來估計最快半年後先會有所行動，點知過左半個月後，即係上個星期，足左我阿頭開會，話無論如何，不顧一切地要cut左我(其他部門唔知呀，不過應該冇sale份囉)，佢都好無耐，之後仲出左幾個e-mail賞試挽留呢個局面，都比阿"主食"一句"主意以決"ban左。

以前睇新聞話D人裁員，好無耐，又哭又其他，總之就唔開心。反而我又覺個冇咩野喎，不過係有D迷惘，究竟搵咩工好呢，做返而家呢行丫？？定轉工好呢？？而家讀緊書果D又同呢行冇咩關系，讀緊果D又唔知應該搵咩工好，而且又未讀完，沙紙未到手又唔知有冇人請，做而家呢行，又好似前途越黎越細咁，不過唔理咁多啦，咩都send下resume出去啦。SZ同我做同一件野既主任反而就唔多開心，唔想公司有咁既決定，要我安慰返轉頭，而阿頭就話08年預左我做既野又比"主食"一句打亂晒，佢仲慘過我，不過我都明既，我們HK一向人手都不夠，而仲得我一個長註HK，其他兩個係另外兩間分公司既，一個仲長註SZ添，和HK聯系既人又少了，打理我這邊分公司HK寫字樓的人又沒有人打理這部門，不過佢咁忙都幫我手找工作，又幫我修改份resume，真係唔話得，有咁既阿頭，事事幫忙，都算係呢份工既第二得著囉，咁最大得著係咩？？當然就係時間啦，同之前工作無定時，又四圍走的工+唔穩定，雖然人工低左一截，不過都值得既，唔係轉左工多左穩定的時間又點樣追到我又傻又靚又抵錫既24呢，其次就係上年多了很多時間去潛水，今年仲去讀書添！！

走左之後我擔心除左找工作之作就係HK寫字樓的同事和我在這一年多所建立和改進的東西，雖然我來之前這裡都沒有我這個位置的，所以最多也是還原基本步，但是我還是不太放心，可能是我把自己看得太重吧，早幾天在公司試是忙著和SZ的同事交接，準備一些我不在的時候讓他方便工作的事情。還有就是收拾一下那張我重來沒有執拾過的桌子，執了一個上午，一個垃圾筒的廢紙，桌面空間多了很多，還有就是放在公司的私人物品都不少，應該要運3天吧，幸好還有時間。

最後，想多謝一下共事年多的同事：
阿賓(SZ的主任)，很多謝你這一年的教導，使上年什麼都不會的我，教成現在可以處理這一年發生過的問題，及作一些基本的設定，十分多謝你。(其實佢都唔會上我個blog)
阿頭(唔爆佢個名，以免影響到佢)，好多謝你這年多的適心教導和幫忙，真係好希望第日又有機會跟你學野，我由初出黎做野到而家都有句說話，『不介意有個能幹的上司指點，但討厭無能上司阻路』你當然係前者啦，唔駛講啦，個條"主食"咪後者囉。(佢就更加冇可能睇到我個blog，佢邊有時間丫)
其他HK的同事，多謝大家呢年幾以來既支持和教導，希望各位工作上事事如意，身體健康，唔好做野忽略了健康呀，好緊要架。(新年咩？？身體健康)

希望快D找到新工啦