比賽前夕

剛從tvb觀看rehersal回家。噢，可惜呀，羽翹唔知道今晚要rehersal，佢無來啊，可能係tvb和唱片公司的溝通"出了問題"吧（頭先有一個衝動想去台上面自己rehersal呢首歌，不過......哈哈，都係唔好破壞首歌了）。不過唔緊要，我聽左幾首歌，又識下d朋友仔，不至於白走一趟既。

其實今年的開心是大過上年（哈哈，或者到時三甲不入，想法會不同？），原因是，今年的參賽者有幾位都識得，連歌手們都已經識左幾個，感覺上明天似係一齊做show多過似比賽。

不過，點都好，現在心情興奮之餘，都開始有少少緊張。名次是不是那麼緊要呢？參加比賽邊個唔想得獎，而且話晒上年有獎，今年會有少少壓力啦。不過，oliver今晚講了一句也很中，他說，我今年參加比賽是"錦上添花"。是的，如果有獎，我會好開心（哈哈，因為呢首歌的最大意義原本就不是參賽，入到圍其實係好大的bonus），而如果無獎，咁我上年都有過啦，對於呢個比賽，其實我唔會有任何可惜或遺憾啦。

其實作為作曲人，最希望是看見自己有進步。進步，不是別人俾自己的，而是自己覺得的。無論別人的看法如何，我真的很喜歡這首歌，喜歡程度還多於上年那首，這已經很足夠了。心愛的作品可以公開於人前，夫復何求。

感謝神讓比賽日期改為明天，因為逢星期四我不用彈APA，又不是太多學生，令我明天不用請太多假，沒有什麼牽掛。雖然比賽之後有很多事要忙，比賽之後也需要有新的目標，但無論如何，今晚，我什麼都不會想，但願好好地睡一覺，明天好好地享受整個過程（包括早上和參賽朋友仔一起去理髮，哈哈）。

無論如何，真的很感謝神讓我再一次入圍，我知道這樣的機會得來不易。真心希望明天大家都演出成功﹗羽翹，靠晒你喇﹗

多謝朋友仔來捧場，大家記住準時到啊﹗

P.S.黃凱琪rehersal情景。佢唱歌好有感情，人又nice，希望將來有機會和她合作﹗