二世祖之旅遊目錄

二世祖之旅遊目錄

A) 喺  http://hk.myblog.yahoo.com/ck921ck  裡頭有兩個行程.

1) 天下第一團 .... 係我開始寫我第一個帶團嘅旅程, 講我喺 08 年春節嗰時, 年初二雪災後去嘅湖南湖北兩省之行, 俚次行遍武漢, 宜昌, 長沙三地, 遊歷鳳凰古城, 張家界, 黃鶴樓, 長江等等名勝古蹟. 好值得一睇嘅雪後旅程. 而我個筆名 ~ 二世祖, 就係班團友賜俾我架嘞.

2) 超級超級超超級悠閒自在之三亞四天皇者之旅 .... 講帶住一班豪客, 去海南島三亞玩, 享受一個皇帝式嘅旅程. 唔睇嘥哂 .... 到時你有時間去到三亞, 嘥時間又嘥錢, 唔好問我.

B) 喺  http://hk.myblog.yahoo.com/gpe110  裡頭都有兩個行程.

1) 梧州德慶盤龍峽(廣東第一瀑布群)肇慶三天悠閒風光之旅 .... 吹到無輪咁靚嘅盤龍峽, 睇吓未出名嗰時係點嘅. 順便過埋梧州, 遊埋肇慶七星岩先返香港. 

2) 全新台山康橋溫泉渡假酒店二天遊 .... 俾唔夠錢想去旅行, 住得好, 已經好彩啦, 食得唔好, 係意料中事啦. 班友真係見識得少. 如果唔想學佢班友咁. 睇吓發生咩事啦!

C) 喺俚個 blog .... 所有行程. 

1) 超值海南之旅 .... 團費799, 可以搭飛機住三晚酒店, 食足七餐, 由海口玩到三亞. 低到爛嘅旅行, 去邊度搵吖. 天水圍啲成日去旅行嘅呀姐, 都嚟玩啦, 唔超值, 你話啦!

2) 河源千島湖 .... 係焗冷氣嘅一次旅行, 又係嚇餐死嘅一次旅行. 乜叫 cheap 雞團 .... 睇吓啦!

3) 東部華僑城 .... 成日上車落車, 入去聽書兼痾尿, 就當一日. 唔買嘢迫你聽嘢. 想要平靚正旅行, 喺俚度啦.

4) 歡樂世界長隆馬戲 .... 俚團好玩囉! 玩到連老竇姓乜我都唔記得. 個個心情靚嘛 .... 正, 正, 正.

5) 野生動物園長隆大馬戲 .... 俚團黑仔囉, 俾條肥雞婆導遊帶埋個姣婆, 仲執多兩條呀燦上車去玩膠流會. 搞到真正去膠流嗰啲爆哂粗, 仲要坐熱狗焗埋冷氣添喎! 第二日唔跳哂車走人, 咪算好彩囉!

6) 丹霞聚龍溫泉遊 .... 今趟, 跛住隻腳都要上山, 比劍嘛! 睇吓邊個碌嘢粗啲喎, 問你死未. 不過, 仲有好多見聞嘅. 你見過喺窮鄉僻壤度, 可以搵到成皮嘢一條魚未吖! 喺窮鄉僻壤度, 有人用成千萬嘅超級野馬大房車未吖! 香港啲有錢佬! 借借, 行埋一邊先啦!

7) 環遊世界 .... 後生嗰時, 我啲風流快活嘢啫, 都未整理好哂, 仲未係全部嚟架.

8) 聚龍珠澳遊 .... 俚三日, 傾盆大雨咁帶住班友, 傻吓傻吓咁, 由深圳碌去馬交, 打個圈返番去深圳. 我哋班老陪, 就開心囉! 走去澳門打個白鴿轉咋, 就執咗幾千銀, 嗰晚仲唔風流快活咩. 至於班嘍囉, 又係嘥錢嘥時間, 咁就叫旅行喎.

9) 悅城龍母 .... 真係拜得神多自有神保祐. 今次真真正正見識到, 咩嘢係有錢人, 咩嘢係死窮鬼咯. 開心過後, 為有忍屎, 忍尿, 忍咗佢啦! 不過, 最後嗰幾個鐘, 條死窮鬼佢都難受囉.

10) 古兜溫泉 .... 又一 cheap 雞悶棍傑作嘅旅行. 我無所謂吖, 有玩有食有錢收, 仲一條友鬼咁好 enjoy 添! 享受啲乜, 去睇咪知囉.

11) 連州陽山天泉 .... 8 嚿水三日, 齋坐車, 住酒店都低到爛啦. 仲想去邊喎. 不過, 如果真係要我出錢再去, 打死都唔制囉. 俚團, 真真正正係坐馬車, 住狗竇, 食豬哨, 戇狗狗坐三日車. 8 嚿水, 用嚟出火仲好啦!

12) 長隆野生動物加水上樂園 .... 去睇馬騮, 睇大笨象, 曬吓太陽, 睇吓靚籮友, 浸吓水, 仲有埋靚酒店住添, happy 開心啦今次.

13) 河源千島湖遊 .... 人不風流枉少年, 今次帶住班食色性也嘅老大哥, 上大陸風流快活, 睇見聽見, 人都輕鬆哂. 佢班友點風流快活, 仲係由個靚女導遊講返出嚟, 真係過癮過睇四仔囉!

14) 長隆水上樂園動物 .... 乜叫人山人海, 波濤洶湧. 俚此乜都見哂啦. 最弊仲係搞出人命添. 不過, 要10個月後先見到囉! 係我唔好, 分房分得衰, 俾個孤男寡女一間房, 咪出事囉, 我應該負全責嘅!

15) 長隆系列遊 .... 一次過玩哂三個樂園, 動物園, 歡樂世界(機動遊戲), 水上樂園. 正啦! 點知俾條戇居兼傻嘅導遊, 搞寸咗個 party, 獨斷獨行兼獨食, 唔好運不凸只, 又安排得唔好, 仲左點右點啲客, 連我都無得玩咁滯添, 唔興就假嘞. 原來, 啲客仲興.

16) 廣東小九寨溝 .... 戇狗狗唔知去咗邊度玩賓州, 行咗去唔單聲, 正一戇狗. 遇正打風, 邊度都唔洗去囉, 今舖仲唔返歸數吓州州.

17) 惠州小九寨溝 .... 又係戇狗兼數州, 花成五嚿水嚟到戇狗狗, 報乜團都唔知嚟玩乜州. 無水游, 無加遊. 適逢中秋, 咪仲亂個乜狗. 佢仲幼稚到當個導遊妹係乜狗, 要佢提議中央改善吓結構! 真係天方夜譚嘅大笨州.

18) 西湖小九寨溝 .... 第三次再去到, 好彩囉. 人好心情好, 樣樣都好, 樣樣如意, 樣樣滿意. 無投訴啦! 仲識到個靚女添, 邊個邊個, 自己睇啦!

19) 黃埔軍校血淚史 .... 講班0靚妹0靚仔, 驕生慣養, 去到黃埔軍校捱世界, 試吓乜叫做辛苦喎, 睇見都好過癮架.

20) 吉隆坡神奇樂園之旅 .... 由唔熟玩到熟, 最後一晚仲玩到天光咁滯添. 同邊個先 ?

21) 新春大運團 .... 初三赤口, 大打出埋, 黑仔帶團, 遇正啲衰口, 好嘅唔靈醜嘅靈. 由東玩到去西, 行個大運返香港.

22) 浪漫康橋之旅 .... 遇正個戇居婆, 有錢唔識攞. 口齒唔靈利, 仲駁咀駁舌, 諗埋計仔, 佢都唔聽洗, 有得佢死, 佢想做雞 .... 都難啦!

23) 民間藝術滙佛山遊 .... 走去拜訪黃飛鴻, 請教葉問 .... 啲徒孫. 再睇吓李小龍啲功夫, 詠春拳點利害.

24) 華僑城兩天遊 .... 又一個歡樂, 經典嘅旅程 .... 點歡樂, 點經典, 睇吓啦.

25) 湖南張家界六天遊 .... 桃花依舊, 人面全非. 雨過天晴, 珊珊來遲. 如有機會, 下次再見.

26) 麗江大理昆明六天遊 .... 豪情, 豪邁, 豪爽的一個旅程. 遇正, 最不幸, 最渾亂的時刻, 籮友受罪, 貼錢買難受的一個旅程 .... 天意. 仲有講一個花咗百幾萬溝女嘅真人真事嘅故事.

27) 長隆二天遊 .... 帶住班退化人仕去尋歡樂, 游水曬太陽, 乜都無. 齋行乾曬, 點歡樂得起吖, 班友仲退化到唔識笑嗰隻添, 點 happy 吖! 早啲返屋企唞吓啦.

28) 海南豪華酒店團 .... 食得好好, 加錢啦. 住得好好, 係真嘅. 超值豪華團, 陽光海灘, 有得睇無得玩, 雖然唔係由朝玩到晚, 但係齋住都低啦.

29) 古都西安華山團 .... 你見過啲戇狗低能人未呢? 見過啲懶姣, 口嗅, 樣衰啲人未呢? 俚團真係最辛苦嘅一團嚟架, 車細無冷氣, 西安間間酒家無雪柜, 啤酒度度都唔夠凍, 點飲呀! 食自助餐又無人服侍, 條路又遠又難行, 上華山又唔知帶乜上去. 唔知俚條戇居八婆嚟做乜狗, 係佢講咋. 但係 ...我都唔知幾好玩. 想睇吓嗰啲變態嘅女人, 係俚度啦!

30) 海南三亞熱舞團 .... 成班一齊享受一個歡樂兼開心嘅假期. 遇正一班開朗開心嘅人, 一齊跳舞, 一齊 happy .... 好好玩呢!

31) 經典華僑城長隆之旅 .... 話咗經典, 梗係未見過架啦. 點經典法, 去去華僑城就知架啦. 成班團友都大開眼界. 

32) 海南三亞陽光海灘之旅 .... 有陽光, 有海灘, 住高級酒店, 食好住好, 邊度搵吖, 真正享受, 真正陽光海灘, 嚟俚度睇睇就知啦.

33) 東莞靚酒店閑閒團 .... 搵哂笨實都好舒服嘅旅遊行程, 正.

34) 肇慶十二星級酒店美食之旅 .... 真係名不虛傳喎, 簡直虛傳到天上有地下無嗰隻. 國營即係國營, 無得傾. 好彩, 我哋班友個個都無計較, 仲越玩越開心添,  玩到盡先至散 band.

35) 小兒科軍訓團 .... 睇吓班現代精英, 點捱苦嘅一次訓練營. 望子成龍或望子成虫, 睇清楚啦! 最緊要都係班0靚妹0靚仔自己識諗啫.

36) 台北台中行街街行公園團 .... 平平地去台灣開心吓, 行吓台灣女人街同廟街, 去埋九龍公園, 最後睇埋銅鑼灣啲百貨公司, 就返香港. 唔錯唔錯. 雖然好多餐食自己, 住得唔好, 但係個個都玩得 happy 嘛!

37) 西安豪華之旅 .... 住西安最豪華嘅酒店~凱賓斯基, 淨係個早餐咋, 加埋個高級領隊, 班團友點會唔滿意吖! 雖然行程未能盡善盡美, 只係, 時間唔夠嘅問題啫, 唔關旅行社同埋我哋事架! 下次, 下次再去啦! 今年我去第二次都行唔哂呀!

38) 佛山文化交流團 .... 幫教育局帶班小學生去佛山, 拜會黃飛鴻. 睇吓班細路今次學啲乜功夫返嚟啦! 原本個個都已經有好老師指導, 精乖靈利, 活潑可愛, 香港啲精英. 原本仲有嘅!

                                             請到預告編參觀