2009年6月29日廸欣湖一日遊

今日爹&媽帶我去迪欣湖玩，其實我就想去迪迪尼樂園玩多D，但係爹哋話我太細個未玩得嗰D機動遊戲住喎，所以去住迪欣湖遊覽吓先。

嘩！廸廸尼列車好靚呀！不如改去廸廸尼，唔好去

廸欣湖啦。

襯爹哋睇唔到，靜雞雞走去廸廸尼果邊先！

媽 : 喂！凱堤你行錯方向呀！呢邊先係去廸欣湖！

哎唷！偷渡行動失敗咗添……

嗱！媽咪我同你咁friend，你唔好爆我個偷渡迪迪尼嘅計劃俾爹哋知喎！

媽 : 阿女咁就要睇你識唔識做嘞！

嗱！媽咪當眾咀你夠未呀！

你哋睇吓無得去迪迪尼嘅凱堤幾咁憂鬱。

雖然無得去迪迪尼，但呢度D景色真係幾靚，幾值得嚟影吓相咁，不過記得揀D唔好咁熱嘅季節嚟，如果唔係好易中暑。(你哋都見小凱堤個頭全程都濕哂)

今次迪欣湖之旅又完結嘞！拜拜……………

(咦！仲有下文喎！)

嗱！爹哋下次一定要去迪迪尼樂園玩！如果唔係我就唔啋你。