MG Gundam RX-78-2 Ver OYW製作過程

回想中學年代砌第一隻高達：矛錢，矛經驗，矛技術，有o既只係時間，最後樣衰都丟o左．

今時今日，都唔係有米，不過叫做經驗技術累積o左o的，今次哩個高達終於完成多年夢想囉，每個高達迷矛個似樣o既高達都有o的終生遺憾呢！

今次哩個都有少少做得唔夠好，都係學緊o野，頭後面監視器改為透明膠片，因為粒o野好細，用透明件o的框就搞掂，不過個形都唔算太FIT，實在太細，渣著打磨都好難，原來透明水性油用手油係亮光o的，不過後尾自己衰，抺甩佢，改為噴，即使用埋磨光濟拷光點都唔夠返光．捉蟲！

對眼就算用o左錫箔貼紙打底，不過隻眼都唔算太返光，我諗下次砌KA版o個陣要o向眼部部裡面塞塊膠板，然後將錫箔貼紙貼o向膠板度，咁先可以將錫箔紙o既反光效果帶近眼部．

腳部油壓管本來想用另買o既鍍管，點都矛粗過1.5mm，後尾唯有用錫箔貼紙包著枝管，但係原來枝管本身唔係直上直落，其中一端係粗少少o既，激死！ 結果要o向枝管唔外露部份削薄，先可以令包著錫箔貼紙枝管伸縮到，不過效果都唔算太好．