今次想同大家介紹一下Stationary Package既做法。雖然今次的個案並沒有成功，但是都希望在這裡做個例子同大家介紹一下。
收到 Emily & Heman 既 Order 好簡單，沒有特別的要求，只是提供了準新人的名子及大喜日子，與及希望將 Stationary Package 入面既一些項目作出變更。項目變更如下：一組兩件 2" x 2" 的 Folded Gift Tag 及 3.5" x 5.5" Flat sheet Hotel
Information，改為一組兩件 4.3" x 1.8" 的 Folded Place card。設計方面，雖然準新人都有提供了一些design reference給予我，但最終方案都是自己慣常以文字來做原素既設計。第一個設計以線條及花朵圖案溶入準新人的大喜日子–五‧二婚禮。並且在這個日子的中間勾勒出一個心型圖案。今次還自己為準新人寫了一句自己都非常鐘意既Punch Line - "The Day We Prove Our Love"。看似很平凡的一句，但是在婚禮當晚，Punch Line既設計會由邀請咭既"The Day We Prove Our Love"變成Place card上既"Today We Prove Our Love"。而在婚禮後既Thank You Card上，Punch Line既設計便改為"The Day You Prove Our Love"。試想一下，當親友們在婚禮後收到準新人寄來的 Thank You Card 和婚禮及婚宴當日所拍既照片，加上這句又窩心又有回憶作用既 Punch Line，係咪都幾好Feel哩。
第二個係自己最基本既慣常做法啦，用"Wedding Monogram"串連所有既Items。一定比到你Personalize同連貫既感覺。
