不尋常的三個星期

上個再上個星期,收到舊同事電話,要求幫手增援,對抗邪惡勢力...結果我幫咗佢...但我發覺自己嘅對抗手段比以前成熟咗,再唔係好似2年前咁幼嫩,畢竟明白到自己嘅本錢係啲咩嘢,而同人"拉鋸"及"談判"更加無往而不利...

上星期二,上堂time break期間,有一個女同學好正經咁向我表白:"阿邦,我估我已經愛上咗你",當時我同隔離位嘅男同學都即時"打咗個突",男同學即時問:"咁xx(個位女同學嘅英文名),你鍾意阿邦啲咩?"

個位女同學回應話:"我覺得佢好正...佢搞咗個學習無界限啦...同埋會send啲社民連節目嘅錄音俾我...!"我一聽到佢咁講,我就問佢:"咁你嘅愛上係有咩definition呢?"果位女同學諗咗一陣就話:"好似愛天父咁樣囉!!"

我一聽到佢咁佢,即刻無言而對,借尿遁,離開課室!!(我個人覺得好恐怖,同埋,我諗佢邁嘅"愛上",跟我哋一般人所講嘅"愛上"應該係唔同嘅!!)

結果係今個星期二,我上上吓堂"釣咗陣魚",我一擘大眼就見到佢望住我,因為佢坐係我隔離,佢望住我踲時候,沒有笑容,個樣頗認真...!!有見及此,我要好好處理一吓呢位咁得意嘅女同學!!

*註:請大家不要在我facebook提及呢件事,因為佢有我facebook,佢會望到的,拜託各位!!