實習正式結束

剛過去嘅星期日,我係實習老師指令之下完成晒所有功課...做完功課,就要係中心"呆坐"五日...因為每一個班組,接待處,都已經有足夠嘅職員,義工係度幫手...所以我就變得無所事事..唯有靠整蠱其他人為樂....

講番呢個實習,帶備我最大得著嘅,就係遇到一個比林經理還要賤格10倍嘅人...呢一個小賤人又無耐又鍾意鬧人(係無理取鬧個隻)...坦白講有料到就唔尹係度,走去自己開番間NGO喇! 亦因為颱風關係,個大活動搞唔成...實習成績亦由B+變咗B,連實習老師都話:"真係好可惜...又會撞啱個日打風...同學都無辦法...因為院校規定一定要有份活動檢討報告先得...但結果搞唔成...所以俾grading個度就.....!"

回想david之前講個一句:"xx邦,你覺唔覺得自從入咗degree後頭頭碰著黑呀?" 呢句嘢真係...真係...好準呀!!

今個星期二,係我出實習的最後第四日,匡x會前同事jenny行開灣仔,走咗嚟探我,佢好開心同我分享9月就正式入神學院讀書,一讀就要讀3年(全日制)...有時神嘅安排就係咁...佢會慢慢引導你走上一條天父喜歡,你又喜歡的道路...!而家annie已經覆實8月5,6日(呢兩日嘅夜晚佢都ok)...而家仲等阿岑sir回覆, david因最近忙於工作及教會侍奉而未能出席...真係有啲可惜...

(*remark: 原來annie係出年1月結婚,特此通告)