星期六晚，老公收工返到屋企。一入門口，就係個袋度拎咗個Swatch嘅包裝袋出嚟。

我心諗，係咪玩嘢呀？我都唔帶錶嘅，你買隻Swatch俾我把鬼咩

跟住，我老公拆開個包裝，然後遞咗盒嘢過嚟。原來唔係錶，係手鈪呀

我老公平時都唔係一個浪漫嘅人。我同佢一齊都踏入第12個年頭，佢從來都冇試過攪呢D驚喜俾我。你哋估吓我見到隻手鈪之後，第一句同老公講咩??

我 : 老公，你做咩無端端送禮物俾我呀？你做錯事呀?

老公 : 痴線o架！我今日喺圓方嗰頭做嘢，見有時間，咪週圍行吓囉。本來想買耳環嘅，不過唔係你鍾意嗰D Style，行咗幾間舖頭，喺Swatch Shop見到隻手鈪幾靚，咪買俾你囉。

我 : 多謝你喎我真係好開心

老公 : 駛咩講多謝呀，老公買嘢送俾老婆係應份嘅。最緊要你開心咪得囉。等我幫你帶隻手鈪啦！

給老公的心底話 :

老公，我真係好開心。雖然隻手鈪唔係咩值錢嘢，但係你嗰份心意，我完全感受到。我哋一齊咁長時間，你重會俾呢D驚喜我，我真係好多謝你。希望我哋可以一齊走過未來嘅日子，開開心心咁生活落去，再多幾個12年，好嗎？