台灣風災

最近台灣發生左一次百年風災，另到台南至台東都出現嚴重水災，好多人都無家可歸，呢兩年我去左台灣兩次，，台灣帶比我好多開心既記憶。

今年3月我同詠祈以及佢表哥及表嫂一行4人，再一次到台灣，今次去台灣我地再台中玩到台北，旅程雖然好緊密，但係我地4個都玩得好開心，今次風災最嚴重既阿里山，我地都有去過，我自己就範得好靚，雖然山上唔係好多地方玩，不過山上每一樣野都有佢既特色，仲記得上山既美食﹑比人剷晒毛既貓貓﹑一包包脹卜卜巴薯片﹑一列列既木制小火車，我都對佢地有好深印象，但呢一切就比今次既風災破壞晒了，我相信要重新維修及重建都雖要一段好長既時間，如果我下次再有機會上阿里山，唔知會變成點呢﹖希望一切都會變得更美，各人都笑得比前開心。

今年我地去台灣認識左呀JOE，佢係當地既司機，我地上次既行程好多野都係佢幫我地搵，如果唔係佢既幫忙，我相信我地未必可以咁舒服咁坐車上阿里山，又未必買到落山既小火車票，而我就更加無機會食到我最愛既綠豆糕啦！真係好高興識到佢地一家人，所以當我知道台灣今之咁嚴重之後，我都SEND左個E-MAIL問候一下佢地一家有無比今之既風災影響，好彩老天都好照顧佢地一家，佢地各人都好好，我都放心了。

今次既風災對台灣人黎講係一個十分可怕既惡夢，希望黎一個惡夢可以快D過去，下一次我再到台灣玩既時候，希望一切都可以變得更好。

天佑台灣