網誌分類：未分類 |
我一直都唔介意講俾人知我係相信有神的，通常非基督天主教徒的朋友會話，佢都相信有一個主宰或一個力量控制或創造呢個世界……但係我相信的唔止係咁，而係Father, Son and the Holy Spirit.
最近聽鄭秀文的「罪與罰」，好歌(我的意思是好聽，「叮叮噹」其實都好好聽，鄭秀文最近的歌好有水準……不過今晚聽到首歌突然諗多左野)，我突然好想知道，聖經裡面有無講過，一個人係點解會有而家的處境？佛法裡面講因果道理做成現時的現象，加上有多生多世的信念，基本上解釋得好圓滿。一個人點解係富豪個仔﹑點解又靚又聰明﹑點解又病又無錢﹑點解無啦啦有個人會幫你﹑點解無啦啦有人要殺你……一切都係因果。咁神呢？點解要令一啲人咁另一啲人又咁？
我對聖經係有理解障礙的，上左十年聖經堂，去過上百次church，但係我都唔理解以上問題。
ari 2009-11-03 16:58
我都信有神. 神就係自己. 自己的意志. 但我都信有d野係冥冥中已經做左設定. 咁樣講, 係咪即係都係因果?
alicia c. 2009-10-28 13:04
造衫……無乜興趣喎……
我都係中意能源同食品……
森姆 2009-10-27 17:05
http://www.trinity-limited.com/home.html
做男裝衫的，中文名叫利邦(891)，是從利豐(494)分拆出來的公司。詳細資料我未睇，所以比唔到recommendation.....
alicia c. 2009-10-27 10:30
森姆 2009-10-27 10:09
alicia c. 2009-10-26 14:22
我都好認同"一切萬物存在相亙影響"，我覺得一個人的心態心情或"運氣"唔同，其實係呢個人同天地花草樹木空氣石頭的關係唔同左。其實以我粗略既理解，基督徒都認同神只係創造左個世界而讓世界自由發揮，但係同時間俾左指引個世界，就係無論咩處境，個中心思想都係要信神，要做事合乎神的心意。
你又講得啱，既然係咁，又點會無時無刻都有"神既旨意"？但係信徒會以祈禱來請求神的指示，咁跟住落黎發生的又大多數被指為"神既旨意"。
不過，我覺得所謂"宗教"，除左理性地認同個教的方向，仲包括好多感情同靈性既野，我覺得好多時都係語言既限制令其他人反感，可能實際上教徒真係感受到，甚至係"見"到"聽"到，所以佢地覺得係真實不虛的。
可能就如Angel and Demon裡面，Robert Langdon對神父的回應：宗教係授予的，而我未被授予。
史 2009-10-26 12:39
我係冇宗教信養的.
但我相信有"神", 因為"人"及其他在世上的一切生物,死物都實在係太神奇了. 但我比較偏向相信現在所有既一切一切, "神"都係冇參與其中的. "神"創造了一切之後, 就由得它發展. 這亦都係作為"人"最美妙的地方. 一切萬物存在而相亙影響. 我相信因果亦都係一樣的東西. 一個人做了一件事, 會影響佢之後既路, 會影響身邊既事, 更會影響了往後的人. 一切既因果, 只係好多唔同人既機率之下所產生既一個必然既後果.
所以, 我好唔鍾意聽到d人話d事係"神既旨意".