揀小學的煩惱

話...呢排真係勁忙勁煩惱因為bosco出年要讀小一,所以今年九月開始要揀小學,話咁快bosco就升小一喇..開心的是佢又大個仔啦,好似不經不覺話咁快就讀小學,時間過得真係好快,佢成日係我心目中仲係幼稚園階段...煩惱的是要揀小學,以我咁無經驗的人來講,簡直係好似打仗咁,勁複雜...我地以前讀小學好簡單邊有而家咁複雜呀又話要分幾個階段進行..什麼自選學校...什麼統一派位...什麼叩門...真係使唔使咁煩喎,玩死我地d家長,我上年係電視睇到有d家長話 : 派到第一志願,仲開心過中六合彩喎派唔到個d又點算呀??咪要去叩門囉...show晒自己小朋友個d技能出來, 要封推薦信呀...去叩門的學校面試呀...跟住學校會問你一大堆一大堆的問題, 攪到好似去見工咁...死啦...我都唔希望叩門會發生係我身上點算呀...有無人可以教我點做呀??其實我都只會幫bosco揀d好少少但係又未去到頂級的小學,我覺得讀書都係要睇個人的,如果係叻的話,去到邊間讀都會叻啦,如果唔叻的話..比你入到名校又點呀,你都會追唔上,小朋友辛苦大人又要辛苦..咁又可苦呢??當然校風都好緊要的,其實有邊個家長會唔想小朋友好呀,我時常聽到人講 : 讀到一間好的小學,第時先有機會升到一間好的中學..又話要什麼直資...什麼一條龍...話...揀小學都咁難啦,仲話要唸埋中學?咁真係我咪要由小學至中學都唔得閒