6:3

今個禮拜又做唔到 yoga 喇.....

約左芙蓉1300 o係 APM 等, 因為我地今日個 mission 係要去亞茵度試妝.

本來想去赤丸食架, 但係鬼死咁多人排隊......於是我地去左味千算.  我食過味千既次數真係一隻手都數得晒.

食飽飽, 我地先上電器舖果層, 因為芙蓉想睇電話, 我又咁岩電話無電, 諗住買定個叉電器.  睇唔岩.....行到去麥兜間野, 先諗起買張生日咭比文毅都好喎....於是買左, 仲順帶買多個亞輝 mouse pad 同手枕添, 呵呵呵.  然後就去左 pappagallo 度拎 vip 咭, 然後仲買左幾件蛋糕先上亞茵度.

搭紅 van 上亞茵度, 坐左陣就開始喇.  連芙蓉都話亞茵間屋正.

亞茵先幫芙蓉攪佢對眼, 嘩......痴雙眼皮都攪左大半個鐘.......然後先開始試妝.

我就做下 snap shot, 幫芙蓉得閒影下花絮呀, 影下成品呀......到後期我仲 "支力" 到o係梳化恰左陣.

明明諗住可以攪掂出旺角行陣街 + 買蛋糕先去食飯. 點知, 攪到差唔多 1900 先完.  不過真係好靚.  (妹, so 期待你的大日子! 你竟然唔要我個伴娘 quota!! )

今日同老豆 & 文毅補祝, 順便預祝迪加生日.  趕到出旺角, 本來想買個蛋糕架, 但係佢地5 個都到齊, 我再唔上去會比人鬧死.....同埋佢地實話唔駛....於是無買到.  6 個人食飯, 3 個人生日.

唔想次次唔係打邊爐就 buffet....問佢地想食乜又個個無意見, 於是咪試下朋友口碑 + openrice 評價都唔差既富記.  叫左都幾多野食架, 不過個個就淨係彈.  問想食乜又話無意見, 到去到又要彈三彈四.  我發左個脾氣.

食飽, 老豆同媽子返屋企先.  細佬送迪加返屋企.  我同文毅行左陣, 我o係 giordano 買左條及膝西褲, 半價咋.