家長佈道會

今晚係沙崙小學既家長佈道會. 我同組長都有返去幫手做陪談員, 我第一次呀!

約左男友o係朗豪坊度, 食左麥當當就返去喇, 但係就遲左少少.

聽完 instructions 之後就落去樓下.  因為小朋友會o係禮堂有野攪, 我地就要照顧佢地既家長. 原來除左我地沙崙堂之外, 仲有一間叫黃平既教會都黎幫手.

今晚.....陪談員過盛呀! 初初仲以為會唔夠人添.

請左一位前亞視藝員萬斯敏黎講見証, 佢講緊既中途, 黎左歐錦棠喎. 我仲以為佢黎支持萬斯敏啦, 原來佢地結左婚架喎.   歐錦棠後尾都有上埋台添.

萬斯敏講佢既見証, 有 2 個神績真係要講. 第一就係佢帶歐錦棠返教會:  話說有次萬斯敏要做舞台劇, 但係練極都入音樂都入唔岩位.  歐錦棠笑佢.....點知萬斯敏話, "如果我出場時入岩位你跟我返教會". 神真係好識開玩笑, 佢真係比萬斯敏入岩位.  歐錦棠望上天話, "你駛唔駛咁準呀?" 

第二個就係, 原來萬斯敏一直都有腰痛, 仲要係無時無刻都痛.  有次佢已經轉到創世電視後既一日, 佢話佢好攰, 同神講, "神呀, 我好攰呀, 我想休息呀". 點知就係咁, 佢拖住個喼仆親, 不過, 佢無扭親腳, 反而係扭返好條腰!! 

佢地 2 個見証由拍拖到結左婚後產生既問題, 發現解決唔到.....萬斯敏竟然走左去英國讀書逃避問題.  而佢o係英國時, 神真係大大咁保護佢....而神亦o係佢返到香港之後, 慢慢令佢知道, 與其成日求神改變身邊果位時, 不如求神改變自己.  呢點.....我真係要記住o係心!!

雖然佢地講既見証用多左時間, 但係我地睇得出, 每位家長都好 enjoy 聽佢地講佢地信主既過程, 點領受神績.....真係好動聽.

但願, 神都會於我身上行神績!!