練琴

一朝早就陪男友出大角咀, 因為深哥約左佢地幾個組長想傾 d 野.  0830 呀!!!!  未試過早到咁.....飲早茶喎.  我食到 0930 就先返沙崙, 因為今日我做司琴, 成個禮拜溫書都無乜點練琴.

我12 月28 號要幫一對教友做佢地結婚果日既司琴.  今日完左崇拜就練琴, 其實上個月都練過, 不過時間越黎越近, 就好自然要再練多 d.

今日 amy 同宅男無返, brenda 咁岩又無返.  亞茵一家想出去旺角食, 於是我, 男友, 同埋 ken, jenny & elsa 一家就去太興食飯.  中間講到話亞 b o係亞芳 march in 教堂時將會唱首歌, 比我地話佢唔 surprise, 一早比亞芳知道晒.  佢地仲話我知當年強強同貞貞結婚時, 強強自學色士風, 又係o係貞貞 march in 時吹.....嘩, 幾有 heart 呀!  當 elsa 同 jenny 叫男友學野時, 佢話, "都要睇果個人受唔受到 surprise 先得既, 一陣喊到個妝溶晒就唔好啦".  哈, 唔通佢知我真係眼淺到咁?!

男友等我同亞 b 亞芳練完歌就行出旺角食少少野.  佢仲好細心咁同我分析點解佢覺得唔好行禮時比 surprise 個新娘喎.

之後就返屋企啦, 聽日又要開始上堂喇....為期 2 個禮拜.