鯉景灣

學星爺話齋, "人生有個新正朋友的確好極, 飲勝!!!"

星期日亞茵話發現用中銀咭去鯉景灣果邊食野好抵, 低至4 折喎.  本來諗住分開食, 點知最終今晚我地4 pairs 人: 我 & 文毅, amy & 宅男, 亞茵 & 亞俊, 仲有電車包 & 聾貓雀人.

同文毅約好, 佢o係銅鑼灣上叮叮後, 我o係則魚涌又上返同一架, 點知....今日部 lift 層層停, 我去到電車站時, 架車已經走左 lu.  唯有約o係西灣河等啦.

約左食 1930, 我同文毅最早到.  跟住就係亞茵, 初佢 sms 我時話佢 book 左 7 位, 仲以為係 flora.  原來係電包車同佢男友. 

我地問過, 除左個 set 做緊 promotion 之外, 其他食物用中銀咭的話都有 9 折.  我同文毅計過, 即係叫唔叫個 promotion set 都係差唔多價錢.  所以我地 2 個決定揀, 唔想 fix 死咁.  佢地 3 pairs 就食 promotion set.

(未有相住, 等緊朋友 send 黎)
文毅叫左個三色魚, 我淨係記得有三文魚.  我就叫左個牛柳 + 鵝肝.  佢地既 set 都有牛肉串咁上下啦.

well....我揀左個沙律係煙三文魚凱撒沙律....但係佢比我既只係三文魚加咸.... 一 d 都食唔出係煙.

我地既湯都係一般, 不過反而佢地既黑松露湯又幾好. 

em.....我既 comments 係, 可以不去.  又或者, 唔好食 set 啦, 佢好似有咩意粉呀, pizza 呀咁.  可能果 d 會好少少.

同亞茵亞俊一齊搭小巴出官塘再轉車返屋企,  嘩, 加埋都唔駛半個鐘.  好快!!!

亞茵亞俊就好啦, 聽日出發去海南島.