難忘的第二天，陶吉吉澳門遊

第二天，早上大家都半夢半醒，竟然有人發生左搶被事件。笑了好一會。
之後大家都在原定10點左右起身，去食早餐啦。
去左南屏雅叙

我食左個咸餐。


食完太飽，還想到原本想去的冠男軒飲茶。所以決定慢慢行過去。
中途入左舊式超市，買左杯朱古力雪糕。

不久，就又到酒樓啦，咁快既，仲係好飽，大家都食唔落，不過出面太熱，大家都決定拎左位坐低睇報紙。

男人又閙出笑話，事緣叫左Ｄ野食。係窩蛋牛肉飯。圖下。（可放大）


男人打蛋。。。打啦打啦。。點知因為個牛肉不平，蛋蛋滑落。。就咁係咁阿姐來掃時，一邊掃一邊罵，拎開個牛肉先打蛋呀ＭＡ。

我地笑左幾個字，呢個真係經典，睇來有排笑。

飲完茶，我地行下紅街市，買下牛耳，行左去三盞燈，行埋大型文儀用品玩具店就坐ＢＵＳ番新馬路買手信。之後再食左義順雙皮奶。



食飽飽，就坐車去氹仔ＡＧＡＩＮ，再去威尼斯人行下，因為出面真係太熱啦。不過都唔岩行，又倒入左賭場玩左一陣，出來本來想找野食。不過，一係好貴一係就好普通。結果，我地冇食到野，有Ｄ肚餓咁去左碼頭，早Ｄ去等後補，不過都係白等。６點幾等到８：００，我們的船８：３０都可以上了。就這樣，沒有食到葡國菜，有點不完滿的完結了我們的澳門遊了。