20091027~荷里活廣場之我女友係007之首映宣傳活動 ~ 姜至奐~金荷娜

我好耐無追星啦﹗繼上次錯失o左睇鄭元暢之後，都好想追吓星，開心吓﹗但係都要有鍾意o既星o黎香港先得o播﹗

之前看到報章報導「我女友係007」兩位男女主角會o黎香港，已經感到好高興，雖然唔知見唔見到，但鍾意o既星會o黎自己o既地方，就算見唔到，都會開心o架﹗

上星期在winwin blog友度見到佢話兩位男女主角會去荷里活廣場做宣傳，真係好呀﹗時間上又唔係假期週末，時間又適中，確係唔錯﹗咁我一於再去追吓星啦﹗

今日放工，係apm食o左飯先(依排apm美食廣場無乜人，易搵位到極﹗)，再搭地鐵去鑽石山荷里活廣場，睇吓現場情況，比我想像中少人，正合我心水呀﹗唔多人，咁咪唔使逼得咁辛苦，睇得舒服d﹗我都係企第二行渣﹗

我還是主要拍dv，因為覺得保留動感比靜態好，當然也因為部相機拍咁遠o既照片唔多得啦﹗不過我部腦係屋企上唔到youtube呀﹗所以要返公司才能upload d視頻啊﹗所以大家想看就要等2-3日啦﹗

今次原來是首映宣傳活動，除了台上宣傳活動之外，還有之後的訪問，或許因為人不太多的關係，我覺得現場收音算係唔錯，只少我大部份都聽到問乜同答乜，但好多時係其它場地，我係差不多唔知佢地問乜同答乜o架﹗

仲有除了主要宣傳外，今次可能係電影首映，所以男女主角做完了宣傳訪問後，無即時離開，其實今次真係幾好，男女主角的fans，都有d有得坐入嘉賓席坐位，仲有因為男女現場fans都廿幾個左右，竟然係可以分別一齊同fans影相，佢地真係好nice呀﹗(我拍o左近鏡，遲d大家可以睇吓﹗)

重點係姜至奐好靚仔﹗不單之高大，簡直就係型、英、帥、靚、正﹗仲要係好有風度添﹗依樣先殺得死人呀﹗(仲有佢行起路o黎仲好有型添呀﹗)都不枉我之前睇快刀洪吉童時就鍾意佢﹗依家當然勁加分啦﹗

至於金荷娜，由睇佢o既我的band5男友就開始鍾意佢，雖然我覺得佢唔算好靚女，但我就鍾意佢個樣好有性格呀﹗

所以男女主角一齊o黎，我真係超開心呀﹗

用我部唔多掂影遠o野o既相機，係咁易影o左幾張相，唔算清，但至少睇到人囉﹗