成隆行蟹王府

係呢d時節上黎上海，唔食蟹就真係對唔住自己啦｡我今次亦一早做足資料搜集，大部份旅客好多時都會去“新光“同“王寶和“，不過我就覺得貴左ｄ，食唔起呀！今次決定黎呢間食，因為方便，都係九江路，一架２０號巴士就可以去到！雖然呢餐一ｄ都唔平，不過就真係物有所值；我都唔明，我係呢間食既蟹只係四兩重，但係ｄ膏同成隻蟹肉既量就好似六兩咁！

首先，梗係食左原隻大閘蟹先啦，一人２隻，一公一母，睇相都見到啦，雖然只係一隻小小既四兩，不過ｄ膏就多到爆，好耐都未試過食得咁滋味｡當然我會叫佢地分開蒸啦，食完一隻第二隻先上，咁先可以新鮮滾熱辣咁食麻～

食完都已經係一個鐘之後既事，我地另外叫左焗蟹蓋､百頁紅燒肉同埋蟹粉撈飯！其實拆完蟹真係唔飽架，焗蟹蓋係啖啖肉同頭先自己拆蟹係另一回事，一羹羹淨肉擺入口，真係嘆！

上到黎上海，唔食下ｄ家常菜，好似百頁紅燒肉就真係唔似返左鄉下咁！呢個好好，就算有肥肉，一ｄ都唔膩，仲入口即渦添！至於個蟹粉撈飯，就係浮誇之作啦，一定係香港人既發明！不過係上海食炒蟹粉就一定唔夠香港咁好食，佢只係好平實咁炒左出黎就算，而且公既蟹膏多過母既，所以一定唔夠實同香｡我返黎香港之後就食過一餐蟹粉，人地個ｄ又香ｄ又多ｄ膏又識加野去提鮮，呢樣餸香港就發揚光大左囉～

PS - 今日係最後一篇"公開"blog, 之後會全盤私有化, 如果想繼續睇既就請私下留言, 我會add你地既!

感激以往一直有睇, 默默支持的blog友!