08台灣遊 - 手信篇之米哥烘培坊~冰沙麻糬(極級推介)

08台灣遊 - 手信篇之米哥烘培坊~冰沙麻糬(極級推介)

又係之前係網度睇到，加上爸爸鍾意食麻糬，所以買o黎試吓﹗

依個麻糬好特別，係雪o左入雪櫃仲更加好食o既﹗個時我第二日就買o左(因為朋友話去開埋，其實之後日日都來，總之最後一日先買啦﹗)雖然係咁，早o左兩日買，都唔影響佢o既質素，加上真係出乎意料我之外咁好食，所以我係極級推介俾大家的﹗

佢有四款味道，但我只買了芝麻、花生及黑糖。

仲有一種味係紅豆。

俾個近鏡俾大家睇

芝麻味係我最鍾意，因為本身都好鍾意食芝麻味o既食品，d饀超多呀﹗當然好香芝麻味啦﹗大家有無食過奇華o既糯米糍？我記得我買過一次o黎食，當日食係ok，點知第日就硬過石頭，所以奇華依d質素，唔該企埋一面，依個米哥完全贏晒成條街，佢點好法？其實三款我都分開o左幾日o黎食，但食落去個質感，完全無乜改變，你咪睇佢個皮好似勁厚，但原來食落去，真係超煙靭，我真係從來未食過咁煙靭o既感覺﹗

花生味都唔錯﹗裏面仲有花生粒添﹗而且好香花生味﹗

黑糖係店員推介o既，店員話最好賣，那可能係台灣人口味，我試過就唔係咁啱我囉﹗其實佢內饀同樣係花生，但外皮就係黑糖，那外皮味道對我來說，是甜了點﹗所以我不喜歡﹗但那純粹係味道問題﹗

台北車站微風廣場米哥烘焙坊店

以下這張相，會看得櫃面清楚一點，相片找自台灣部落格，謝謝Bernice願意借出相片給我轉貼。

米哥烘培坊

其實我在米哥逗留了很久，除了買這個冰沙麻糬，還買了鳳梨酥、鳳黃酥及半熟蛋糕，上圖櫃位內o既女店員，被我煩死了﹗因為我要求多多，買冰沙麻糬，也想了一陣子，買那個半熟蛋糕，就簡直給她難度，因為原本半熟蛋糕買一盒是八個，但小妹唔想買那麼多件，只想買四件，在我的不純正普通話下，又在店員超忙碌時，要她多多協助，當然我是很耐心地等候她的幫忙，盡量不添她麻煩，不影響她對其他人的服務，在她了解我的意思後，雖然我看出她眼神是有點不耐煩，因為當時實在不斷有顧客要付款，但她還是給予我幫助，最後，她真的達成我願望，讓我買四件半熟蛋糕，但也能有盒子包好，呵呵﹗那當然不是半熟蛋糕原本的盒子，而是用蕃薯的盒子。

就係依個盒

入到四件半熟蛋糕，兩件乳酪布丁(我自己)、兩件咖啡味(給媽媽)。

乳酪布丁半熟蛋糕，其實食落即係芝士蛋糕，得好細件渣﹗個匙羹係迷你型，你可想而知件半熟蛋糕有幾大件啦﹗(底長度可能係得3-4cm)