my dream place 冰島冰川(一)

開心到暈!!!!!!搞左兩個月，終於踏足夢想必遊之地冰島!

講真，以前冰島的生活指數高到離譜，近半年因為金融海嘯，物價才回復番較合理的水平，我才有機會以「歐洲價」暢遊這地。到了首都Reykjavik住一晚，走去當地的遊客中心報名，參加了一個去Vatnajökull glacier , Jökulsarlon lagoon的day tour。其實行程都幾趕，晨早8點由首都出發，要成五六個鐘車程才到Vatnajökull glacier。這歐洲最大的冰川幅員廣大，我地個tour主力遊覽Jökulsarlon lagoon冰湖。一落旅遊巴經已忍唔住叫了出來，皆因冰湖就在眼前，完全不用登山涉水行餐死!舒服之極!而且冰湖十足十平日睇電視那些講南極的場面一樣，滿佈冰塊，相當震撼!之後仲坐水陸兩用船暢遊冰湖，導遊會沿路講解生態，仲會撈起大塊冰給我們品嚐清純冰塊之味，信我，真係靚到離晒譜!

好多遊客都會坐在湖邊靜靜欣賞此天堂般的美景(我當然也是其一!)

沿途有橡皮艇護航，我地食果塊冰就係佢撈上來的。

這架就是水陸兩用船，成團人就係咁舒舒服服遊冰湖，幸運的話還會見到海獅游水，不過我當日只係只到好多小冰山。