下集

今次旅行,認真多風波.

上回講到出發個日係8號波,班機被迫cancel,搞左好耐先班到兩張機票出發.

今次返香港,原定係加拿大時間星期五下午先起飛,點又撞正香港打風,仲要係9號波鸚鵡哥,令到由香港去溫哥華的班機cancel左,連累我們亦冇機可乘.

幸好,做國泰的朋友夠friend,提醒我們可搏搏早一晚零晨去機場,睇下可唔可以坐早一班機返香港,因為呢班機係零晨3點機,慣例唔多人坐,值搏率高,好過留係溫哥華唔知點算.

我就聽了佢既意見,晚刻十點幾係郊區食緊飯,都決定即時埋單,叫朋友車我地返去收拾行理走人,結果真係好好彩有位容納我地,不過班機為左肯定返到香港時隻鸚鵡走左,所以要delay三粒鐘,令小弟再一次滯留機場接近六個鐘.太多時間下,又要寫blog解悶.

下次出門,真係要拜拜神至得.

送你一張相: 這是拉斯維加斯最新開的賭場planet hollywood,由於競爭激烈,佢地荷官著得超性感,但最少下注只係5蚊美金,我有懷疑d賭仔係睇女定係睇牌.