Life

上個星期一至星期四都係比頻密嘅練波操控住，見星期五嘅中間有空檔嘅時間就答應咗朋友拍條片交功課，我喺條片要扮一個好貪靚嘅男仔(接近自戀),出街之前用好多好多嘅時間襯衫,gel頭,裝身出街,為嘅係一個與異性嘅約會…..第一次玩呢類型嘅,幾好玩,期待睇返條片.

星期六一早喺天水圍練跑,中午請飛馬嘅隊友食午餐(因為上星期係自己第一次甲組上陣贏波收獎金,請大圍食飯係一個傳統),三點鐘一齊入大球場睇南華對傑志.睇完同hinson及歐沖去咗糖百府食棉花水(我好鍾意食),食完糖水就同我細佬,唐仔,黃洋同小時教練共進晚餐,一路食一路傾返細個嘅時候D蝦碌嘢,轉眼又十年,一傾傾咗幾粒鐘!返屋企沖完涼換件衫就走咗出街見識吓Halloween節日入面,D人點扮鬼扮馬,不過真係好迫,飲咗兩杯傾幾句計就返咗屋企休息…

難得星期日放假,今朝一早同家人返咗內地消費,自己好少喺大陸買嘢,但唔去過真係唔知大陸有咁多平靚正嘅嘢賣，各樣衫褲鞋襪，裝飾品，當中有好多係冒牌同仿製品，但亦不乏一ｄ無牌子但cutting同款式都值得一讚嘅item!價錢仲要平得好緊要，我諗喺香港買一件好少少嘅衫嘅價錢已經可以喺度為嚟緊嘅秋季由頭買到落腳嚕！今日一行令我更明白點解內地人鍾意返落香港消費而香港人為何咁歡喜北上了．．．．

帶眼鏡look斯文嗎?

helloween!晚餐有我最鍾意邑避風塘豬仔脾….