西餐中湯

又係悠閒星期日

因為尋晚成1點幾先返到屋企的關係, 今日大條道理訓晏啲

點知我都係訓到9點幾就醒啦…老人家真麻煩

到12點終於到剷得醒個大帝出去食飯

中午去左食譚仔, 搭枱坐左兩個大漢

估唔到佢地可以non-stop咁講野, 我食咁耐佢地講足咁耐

仲要每句都有加"助語詞", 甚至每句加2-3次, 好煩呢!!!!

不過我發覺佢地根本唔係傾緊計

而係你有你講, 我有我講, 完全無交流嘅...

今日買左個綠色的蜜瓜

我切哂啲白色甜的部分做生果, 而其他唔甜呢就攞左去煲湯

求其加左啲沙參, 玉竹, 豬展, 螺片同1粒蜜棗, 啖湯甜到呢

佢都話飲完後個喉嚨舒服哂!!!

另外仲整左係意大利買返黎的RISOTTO

海鮮意大利飯, 佢話只要加水煮18分鐘, 加牛油就得

個味好似好淡呀, 所以我再加左香草同雞粉

驚死落得太多, 落得丁屎咁多多, 不如唔好落~

加埋兒興泰買的羊架就搞掂啦

不過個羊架好韌呀, 唔知係咪我太低溫焗呢?

只不過係飲左少少貢茶, 同中午訓左45分鐘啫, 搞乜到2點都訓唔著架…..