網誌分類：豬朋狗友的生活點滴 |
圖片
網誌日期：2009-12-28 14:33
籌備多個月的大陸之旅, 終於在12月26-27日完滿舉行。8大3小之旅, 不但驚險刺激, 而且超級勁搞笑...
驚險(1)
晨咁早9點就要集合, 最怕係豬氏一家會再次遲到, 於是8點幾蓮姐就打比豬媽媽, 以及其他團友, 以確定大家都準備/ 已經出左門口.. 點知.. 一直聯絡不上純美人.. 直到去到麥記見到純美人, 先至鬆一口氣。
驚險(2)
難得0845大家集齊人, 可以準時0900上船前往中山, 正當大家興興奮奮, 依依嘩嘩入閘之際
純美人: e.. 點解個閘口唔係寫去中山o既...
蓮姐: (指往另一方向)果度咪寫住中山lor (但發覺登船的時間完全唔o岩...)
梅主任: (跟閘口的工作人員密密傾左一輪...)
工作人員: 點解你地o係呢度上船gar?
眾人: (原本好嘈, 點知突然靜哂) @@ x 11
工作人員: 你地應該o係信德上船bor...
好彩, 錢解決到的問題, 永遠不成問題... 之可惜, 梅主任因為呢件事, 就沮喪左成幾個小時有多...
梅主任: 各位, 好唔好意思, 我... 我... 我明明話由尖咀上船, 但我親戚搞錯左...我又無睇..
積奇蓮: (梅主任未講完) 唔緊要啦, 佢地班友都無比小費, 唔洗服侍得咁周到gar..
純美人 + 朱氏一家: 係呀. . 我地連船飛錢都未比, 亦唔打算比
梅主任: @@ x 100000000000000
純美人+朱氏一家一向有唔比錢就去玩的習慣, 對上一次, 梅主任由去程上船開始, 依依o我o我到回程, 今次臨出閘就脫腳, 立即聲都唔敢聲....
好彩, 到最後只有"面皮最厚" (正確來說, 應該係 "面部脂肪最多")的純美人未比足錢..
搞笑(1)
全班人浩浩蕩蕩, 一到埗, 當然就係去食野, 入到一間餐廳, 發現只有一張 4-6人檯, 老闆狂叫班友座低, 班友暨唔走亦唔願坐低, 混亂左一大輪..
蓮姐: 有細路o既就坐低先, 我地企下再等第二張la
豬媽媽: 洗mud, 叫佢轉哂d "唉pan"椅 就得la
幾經辛苦, 店員將6張"唉pan"椅轉哂11張膠圓椅, 點知迫到...於是, 大家決定等後面張檯, 大約5分鐘, 後面張檯就走左..於是乎, 等眾人離開細檯, 店員又再次將膠椅移開, 轉返做 "唉pan"椅 ...(即係白做左一大輪)
驚險(3)
食完飯, 一眾走去對面士多鋪, 睇呢樣睇果樣, 見到有煙花同沙炮買, 於是乎..
朱生: 買呢d la
朱太: 買果d la
一眾: @@
朱太: 買埋沙炮la, 幾多錢一盒ar?
店員: $0.5
蓮姐: 咁買幾多ar? 2盒?
朱太: 多d la
蓮姐: 4盒夠唔夠ar?
朱先生: 呢度咪最多5蚊...突然向店員講國語:"全部包起來"
眾人: hahahahahaha
於是大家一人搶左一盒, 在離開店鋪不遠的位置, 朱太已經首先發顛, 在兩個lovely sons 的旁邊掉沙炮, 嚇得佢兩個lovely sons 差點想喊..
搞笑(2)
每次食飯, 大家都死叫難叫, 睇落去好豪咁, 但每次上車, 就一定會迫到嘔
圖為一架七人車, 頭兩個為車頭位置, 後面係2排乘客位, 一共坐左12人@@ (中間果排畫漏左一個)
搞笑(3)
一大班人山長水遠去到中山雅居樂, 主要的節目其實係食同等, 食之前就無力行, 食完之後又唔想行.. 每次都要等鋪頭渣架車黎管接管送, 於是每次食飯前後都要等等等等等...
搞笑(4)
4.1 - 學友上身
朱媽媽食到好食野, 就立即學友上身...
朱媽媽: 呢個好好食
4.2 - 食野要登記
純美人: 我想食牛脷!
蓮姐: 有無人食ar? 呢兩個又唔食牛, 果個又唔食肉, 你搵個partner 先la
純美人: 邊個食牛脷, 登記登記..(有一個人登記)
朱媽媽/ 純美人: (牛脷到)嘩, 好好食ar
之後蓮姐兩公婆各自偷食左一舊..
純美人: 你地無登記ar...
蓮姐: hehe(彩佢都傻)
驚險(4)
場境:食食下飯
簡少: 話時話, 我有個朋友話生仔生女其實有d 方法..
一眾: 咩ar.. 聽過好多la
朱生: (懶叻) 問我咪得law, 我有兩個仔!!
簡少: 我聽講生仔要有2個條件, 1係要d 精子夠濃, 2係搞果時要好excited
一眾: hahahahaha
朱先生: (一時high 爆) 咁你搞果陣即係好唔excited !! (對住生左一個女的簡少)
一眾: (完全見到有一隻烏ar 飛過, 再偷偷望簡嫂).....
朱先生: (開始汗顏, 唔知點收科)...
蓮姐: (拿起個杯)各位飲杯..
一眾: 飲杯 (簡少第一個和應)
搞笑(5)
回程的午餐後, 朱生終於忍不住這些hea 爆的生活態度, 於是"懶係" 清高, 在高級餐廳包房裡面宣佈..
朱先生: 你地可唔可以行下, 唔洗又等人接送ar.. 呢兩日唔係坐就係食, 食完就上車, 跟住送到門口就落車.... 多步路都無行過ar...
店員此時此刻經過, 聽到朱生的要求..
朱太: 小姐, 剩係得呢位先生要自己行gar 咋, 我地依然要車gar !!!
眾人:＠＠
哼, 誰知朱生唔覺唔覺,最後又係迫埋上車...
兩日一夜的旅程, 話咁易就完左。雖然梅主任聲稱會立即賣左間別墅, 我地知佢一定會咁做, 因為我地知佢一定會買過間仲大仲多層的別墅招呼我地o者...haha
